Page 72 - MEDIA MONITORING JULY 17TH, 2018

10
Djamars 17 Yüli 2018
Pa añanan PAC ta tene plaka di parker di Punda atras
Plakanan di parker ta bai den saku di esnan ku no tin nada di aber ku sentro di siudat
WILLEMSTAD. - Sektor privá den Punda ta hasi esfuerso grandi pa atraé mas bishitante pa sentro di siudat. Lamentablemente, loke ta defroudá e empeño aki ta e problemátika di stashonamentu den sentro di siudat. Ta bin aserka, tur entrada di e plakanan
di parker ta bai den saku di partidonan ku no tin nada di aber ku sentro di siudat, miéntras gobièrnu no ta hasi nèt nada. Esaki ta loke ku DMO ta duna di konosé den un nota di prensa amplio formulá.
E problemanan ta konosí basta aña kaba. Ya na 2012
Kontrolaria General Kòrsou a konfirmá ku gobièrnu no a sera niun konvenio di maneho ku PAC. Esei ta asina te dia djawe.
Un petishon a base di ‘LOB’ di mei último ta indiká tambe ku for di 2010 no a traspasá niun plaka na gobièrnu.
A konsekuensia di esaki gobièrnu di Kòrsou, segun e relato di Kontrolaria, pa luna ta keda sin kobra alrededor di 40.000 florin ku ta nesesario pa mantenshon di sentro di siudat. Sinembargo, e siudat no ta mira nada di esaki.
Na di dos lugá, den e mesun relato tin ku PAC no ta kumpli ku tur e kondishonnan di bestèk.
Na di tres lugá, segun e bestèk e konvenio ku PAC mester a terminá pa mas tardá desèmber 2016 i e ora
Sigui lesa pagina 39
Velas Latinoaméricano a inkluí Kòrsou den su regata
WILLEMSTAD.- Ayera mainta e komandantenan di e ocho barkunan di bela estilo tallship a reuní riba brùg Emma pa un seremonia kòrtiku huntu ku e komandante di marina real na Kòrsou i e komandante di e barku naval ulandes Friesland i presidente Lucky Ezechiëls de Marchena di Curaçao Sail
Foundation i su komitiva huntu ku presidente di Velas Latinoamérica.
E último aki a konfirmá dilanti miembronan di prensa lokal i internashonal ku ya nan a inkluí Kòrsou den e regata di aki 4 aña, ku Brazil lo organisá, i esun di aki 8 aña, loke ta un logro grandi pa nos isla.
E komandantenan sin niun eksepshon a gradisí e organisashon, Marina Real ulandes i pueblo di Kòrsou pa e koperashon i e hospitalidat ku nan ta gosando e dianan aki.
Awe atrobe tin hopi aktividat den dia i anochi en konekshon ku Velas. Lo ta e último oportunidat pa subi tur e ocho barkunan na
Punda i Otrobanda, entre 9’or mainta i 9’or anochi. Anochi tin presentashon
riba Awasá di ERA promé, siguí mitar di 10 pa Oscar D’Leon ku banda.
Minister Martina impreshoná dor di Velas Latinoamérica
...Minister Steven Martina i minister-presidente Eugene Rhuggenaath a gradisí Presidente di Curaçao Sail Foundation, Lucky Ezechiëls, pa e organisashon di Velas Latinoamérica 2018...
WILLEMSTAD,- Minister Steven Martina di Desaroyo Ekonómiko ta hopi kontentu ku e evento di ‘’Velas Latinoamérica Curaçao 2018’’. Riba su página di Facebook Martina ta skirbi ku djadumingu for di den oranan trempan di mainta ‘nos tabata riba pia kaminda nos a bai risibí e barku di belanan ku a drenta nos haf den kuadro di e magno evento ‘’Velas Latinoamérica Curaçao 2018’’. Tabata
un bista úniko pa wak e diferente barkunan aki drenta i ku un multitut grandi di públiko ku tambe tabata for di trempan riba pia. Mas den oranan trempan di anochi e parti ofisial a tuma lugá kaminda invitado di honor señor Almirante Juan Andres De La Maza Larrain, Presidente di e organisashon “Velas Latinoamérica 2018”, e diferente komandantenan di e barkunan di bela, direktor
komersial di CPA, señor Raul Manotas i Presidente di Curaçao Sail Foundation, señora Lourdes Ezechiëls a dirigí algun palabra. Nos a hasi uso di e oportunidat pa gradisí i felisitá e organisashon Curaçao Sail Foundation den persona di señora Lourdes Ezechiëls pa e tremendo inisiativa i trabou. Si tur kos bai bon aki 4 aña nos lo tin “Velas Latinoamérica Curaçao 2022”.’