Page 12 - MEDIA MONITORING - JULY 10, 2018

2 AWEMainta Diamars, 10 Juli 2018 Grupo di empleado di DVG
Ta exigi Director bay cas boluntariamente
UN grupo di trahadonan di Departamento di Salubridad Publico dialuna mainta a sali pafo pa entrega na miembronan di Management Team un Manifiesto unda nan ta expresa nan malcontento cu e hecho cu nada no a wordo haci cu nan preocupacionnan y disgusto na DVG. Gilbert Dijkhoff, kende ta hurista na Salubridad Publico y alabes delegado di sindicato TOPA, a lesa e Manifiesto y a haci entrega di esaki na e miembronan di Management Team. Den e Manifiesto aki ta skirbi cu e empleadonan ta lamenta cu e proceso Gubernamental y Hudicial no a duna resultado, esta unda cu e trahadonan ta sali beneficia pa e bon funcionamento di e departamento. Nan ta menciona esaki
pa motibo cu nan ta kere cu nan a pasa tres aña den situacion doloroso na man di e Director Jerry Staring, pa e forma con e ta trata hende. E problema, el a bisa, cu no ta bay pa 2 of tres trahado, pero hopi y cu tur tin derecho di wordo trata di un forma digno como ser humano.
E grupo di trahado pa medio di e Manifiesto ta bisa cu sr. Staring no a mustra interes pa e salud di pueblo y no sa con pa maneha e organisacion. E ambtenaarnan ta haciendo lo maximo pa integridad di e departamento. Pa tur e motibonan aki nan ta exigi pa Staring duna full su cooperacion pa bay cas boluntariamente pa no stroba e investigacion imparcial di un comision. Na Hulanda, nan ta bisa, den un situacion
asina, e director lo entrega su retiro. Mas ainda si e trahadonan di DESPA y Gobierno no tin confiansa mas den dje ni pa su funcionamento.
Loke tabata remarcabel ta cu e funcionario aki a papia cu pueblo no tin confiansa mas den Staring, cual ta duna indicacion cu esaki ta parce algo politico. Mas ainda, ora cu a mira diferente coordinador
di Minister di Salubridad Publico presente na e manifestacion di e grupo di trahadonan di DVG.
Riba dje a haci uzo di expresionnan politico di e fayecido lider di MEP Betico Croes. Y a pone un deadline di 12 di juli, 2018 pa Staring contesta nan prome cu 10’or di mainta.