Page 15 - MEDIA MONITORING - JULY 10, 2018

6 AWEMainta Diamars, 10 Juli 2018 Pa stimula economia
Gobierno a anuncia cambio di orario di habri y cierre di negoshi
DEPARTAMENTO di Asunto Economico, Comercio y Industria a anuncia cu den cuadro di e maneho di Gobierno pa stimula nos economia ta necesario pa trece cambio den maneho di orarionan den cual ta permiti pa un negoshi ta habri den cuadra di e “Landsverordening Winkelsluiting”.
P’e motibo aki, Minister di Finansa, Asunto Economico y Cultura, ta suspende e requisito pa un dispensacion pa cu e oranan di operación di un negoshi.
For di awe un dispensacion lo no ta necesario mas pa un negoshi por keda habri pa publico fuera di e orarionan normal di operacion.
Orarionan cu un negoshi ta permiti pa ta habri na publico ta como lo siguiente: Dialuna pa diasabra di 6:00 or di mainta te 12:00 or di anochi; Diadomingo y dianan di fiesta di 9:00 or di mainta te 10:00 or di anochi y Dia di Labor no ta permiti pa un negoshi ta habri pa publico.
Prome Minister Evelyn Wever-Croes a biaha pa New York
Unda e lo uni na Nacion Uni den debate di proteccion di mucha
MINISTER President Evelyn Wever-Croes a wordo invita pa un debate na Nacion Uni relaciona cu derecho di mucha, especialmente e bienestar di muchanan den paisnan cu tin conflicto di arma. E invitacion a wordo haci p’e representa Reino Hulandes, en bista di e retonan cu Aruba su Gobierno y su Minister President tin pa cu bienestar di nos muchanan na Aruba, e experiencia y e plannan cu Aruba tin.
E debate a tuma lugar dialuna mainta bou e titulo: “Children and Armed Conflict”, den cual Minister President a dirigi palabra.
Durante su biahe cortico na New York, Prome Minister Evelyn Wever-Croes lo reuni tambe cu Unicef pa urgi Unicef yuda Gobierno den e Crisis Plan Social.
E fondonan ta wordo poni disponible pa Hulanda, y ohala logra convence Unicef pa yuda den e
Crisis Plan Social.