Page 67 - MEDIA MONITORING - JULY 10, 2018

12
Djamars 10 Yüli 2018
Mas kontròl riba pèrmit di músika “bibu” den sentro di siudat
WILLEMSTAD, - For di siman pasá, dia 1 di yüli den oranan di anochi e Tim Multidisiplinario, konsistiendo di entre otro polis huntu ku MEO, a tene kontròlnan riba diferente establesimentu den área di Pietermaai.
Hefe di Departamento di Inspekshon Ekonómiko
Ronny Cornelis, a menshoná siman pasá ku tabatin un tiki problema den área di Pietermaai debí ku un biaha mas komersiante a opta pa saka stul i mesa i pone esakinan riba alsera.
Aparte di esakinan tambe abitantenan den e área, entre otro esnan ku ta biba den edifisio di unda ántes tabata
Emmaschool, a keha riba molèster ku zonido.
Algun dia pasá a duna órden na diferente establesimentu di Nieuwestraat pa stòp ku músika bibu. Esaki tin di aber ku reklamo di hende ku ta biba den bisindario di e kaya tokante zonido duru. Segun doño di Mundo Bizarro, Wim
Boereveen, aktitut di polis no tabata korekto. E ke bai korte pa haña su derecho pa sigui organisá aktividat ku músika bibu. Otro doñonan di establesimentu den sentro di siudat tambe a duna di konosé ku nan no ta di akuerdo ku e manera ku outoridat a aktua.
Segun Enrico Stenacker
di Bar 27 su establesimentu tin tur pèrmit nesesario pa organisá músika bibu. Segun Stenacker Kòrsou mester ta orguyoso ku diferente establesimentu den sentro di siudat ta organisá evento ku músika bibu. Na su opinion esaki ta kontribuí na e produkto turístiko ku Kòrsou tin.
Crosser sin dokumento a keda kitá
WILLEMSTAD.- Personal di e e Tim di mantenshon di órden Públiko ayera durante di nan patruyahe den área di Montaña a tuma nota di un shofùr moviendo riba un crosser ku a kuminsá aktua sospechoso na momentu ku el a tuma nota di presensia di polis.
Mesora a duna e shofùr òrdu pa para pero e no a duna oido na esaki i a purba kore bai.
Na momentu ku a logra par’é, e shofùr a hasi basta ònbeskòp i asta kier a bringa ku outoridatnan pero
e polisnan a logra dominá e situashon. Durante di
kontròl a konstatá ku e crosser no tin ningun
dokumento válido pa ta riba karetera públiko i mesora a
kita esaki i transport’é pa warda di polis.
Shofùr no a duna oido na polis tampoko
Kòrsou mester kontinuá ku esfuersonan pa fortifiká lasonan komersial den Karibe
WILLEMSTAD. - Práktikamente na final di e mishon ekonómiko ku a tuma lugá na e isla Trinidad e siman tras di lomba, direktor di koperashon ekonómiko internashonal señora Vanessa Tore a duna un inventarisashon di e impakto ku e esfuersonan te asina leu a trese kuné den e aserkamentu di outoridat i empresanan komersial na Trinidad.
Ounke ta trata di un tendensia ku por nota kasi rònt mundu, Kòrsou, manera e situashon ta aktualmente debidamente mester hasi mas esfuerso pa por rekuperá ekonomia, dirigiendo e atenshon tambe pafó di frontera.
No tin ningun sentido pa sinta mannan krusá i laga e problemanan sigui krese. Kòrsou ta obligá pa tuma akshonnan ku por
trese un buèlta positivo den e situashon. Den bista di señora Vanessa Tore, e mishon ekonómiko na Trinidad & Tobago durante eperiodo3pa10pa yüli 2018, bou di guia di minister Martina, ta unu sumamente importante pa Kòrsou. Pa kuminsá segun señora Tore ta asina ku e gobièrnu aktual a tuma e desishon pa indiká klaramente kua ta e paisnan ku ta bai enfoká riba dje pa ekstendé kontaktonan ekonómiko i relashonnan mas aleu. Vários di e paisnan ta nombrá spesífikamente i tin algun ku ya a kuminsá ta aserká. Pa loke ta trata islanan di Karibe di abla ingles a start sali ku restablesimentu di e kontaktonan ku Trinidad & Tobago. Mas aleu señora Tore a splika ku Trinidad ta un di e islanan den
Karibe ku un ekonomia bastante grandi, e ta un di e islanan ku ta influensiá enormemente den Caricom. Ademas Trinidad ta resaltá komo un di e paisnan ku ta debidamente industrialisá i espesialmente nan ta hopi dirigí riba e sektor di gas i petroli. Trinidad tin hopi di ofresé na Kòrsou, nan tin un forsa di kompra bastante fuerte ku Kòrsou por benefisiá di dje. Siudadano nan di Trinidad ta biaha hopi i ta un gremio di turista interesante i ta loke Kòrsou ta sinti nesesidat di dje aktualmente. Trinidad & Tobago ta disponé di hopi rekurso natural. Ademas Trinidad por ta un bon aliado pa Kòrsou, ya ku tantu Trinidad komo Kòrsou ta bisiñanan ubiká den serkania direkto di Venezuela ku ta influensiando nos
ekonomianan den un sentido ménos positivo. Pero, saliendo konsientemente padilanti i buska kontakto di nobo ku Trinidad, Kòrsou ta bai bèk na e situashon di ántes di muchu mas lasonan komersial i turístiko. Ta resaltá ku tin bastante empresa di Trinidad ku a establesé na Kòrsou i ku a hasi invershonnan grandi serka nos. Pues gobièrnu, den e kaso aki minister Steven Martina a mira e nesesidat pa kuminsá ku Trinidad & Tobago komo e promé pais di abla ingles den Karibe, pa djei sigui ku otronan konsiderá tambe di importansia, manera Barbados, Jamaica, Guyana ku ta paisnan ku ta pasando den desaroyonan positivo riba sierto terenonan industrial i komersial. Danki na e mishon ekonómiko ku a tuma lugá na Trinidad segun
señora Vanessa Tore ku tin algun perspektiva nobo i sumamente interesante pa loke ta trata nos sektor di turismo, pasobra siudadanonan di Trinidad a ekspresá e nesesidat pa bishitá Kòrsou komo un sitio pa pasa fakansi. Pero pa por yega asina leu mester establesé konekshon aéreo i ta den e sentido aki a start kòmbersashonnan ku e airolinia di Trinidad ku yamaCaribbeanAirlinesiku ta interesá den konekshon dirèkt ku Kòrsou. Klaro ku e konekshon aéreo aki ta hasi posibel ku suidadanonan di Trinidad por bolbe bèk i asumí un papel aktivo den nos zona franca i lógikamente esaki lo fasilitá transportashon di karga pa Trinidad i vise vèrsá. Ademas Kompania
Sigui lesa pagina 38