Page 25 - E MODUL BAHASA BALI KELAS X

Matur Sang Utamanyu, titiang masusu ring nyonyan lembuné.

Ngandika Ida Dang Guru ; cening Sang Utamanyu sing patut laksanan

ceningé buka keto, sawiréh nyuwang druwén nabé ento adané, awinan

ida wusan nginum susu. Wénten didih medal saking bungut godelé

punika dilat ida pinaka sangun ida ngangon. Malih katakénin olih Nabé,

ih cening Sang Utamanyu tusing patut ento ajengan cening, pianak

lembune nawang cening seduk, malarapan baan kawelasaan nyané

tekén cening, ipun ngutahang pikolihnyané manyonyo. Tusing dadi

cening nyuwangin amerthan ia I godél, makelo-kelo bisa berag godelé.

Sapunika wacanan Ida Dang Guru, Sang Utamanyu ngaturang

sembah tur nunas pengampura. Benjang pasemengan malih ida

ngangon, nenten ngajengan. Antuk kaluwén idané , raris ida ngajengan

getah daun madori, punika panes pisan., nyusup rawuh ring

panyingakan Ida Sang Utamanyu mawastu Ida buta, paling Ida

ngeruruh lembuné , wénten semér pat irika ida runtuh macelempung.

Sesampuné soré mawali lembuné kekandang nyané nénten wénten

ngatéhang. Duaning nénten kacingak Sang Utamanyu nguningayang

raga buta lantaran ngajengang getah madori. Kapriangenan pisan Ida

Peranda Guru ngaksi sisyan ida ngemasin buta sangkaning dahat

bhaktin ring sang meraga guru. Raris kaicén ida Sang Utamanyu

mantra Aswinodéwa, pinaka tamba samangdané wusan ida buta,

malih mewali panyingakan idane parai purna, sakadi mula nénten

wénten cacadnyané. Sangkaning ketelebang sang Utamanyu dados

sisya, ida polih panugrahan kawisesan, kaweruhan olih Ida Bhagawan

Domnya.

24

E-MODUL PELAJAHAN BAHASA BALI SMK KELAS X