Page 51 - ثقافة قانونية - العدد الرابع - للنشر الإلكتروني
P. 51
-وبعدين؟
-خرجت وكملت في نفس الطريق بس كبرت واتعلمت امسك سلاح
ابيض وبقيت استاذ و معلم في « العراك» او « المشاجرات» زي مابتسموها
وبعرف اعور واعمل عاهه من غير ماللي قدامي يموت
-ودخلت السجن كام مره؟
-كتير مبقتش اعدهم بس وصلت مجمل احكامي ٢٧سنه
-انت متجوز ؟
-اه وعندي بنات على وش جواز
-وكنت مسجل شقي خطر؟
-اه فئه « ا» واتسجلت جرايم نفس ومخدرات
-اتعلمت ايه من السجن؟
-اتعلمت في اخر ايامي الصبر وانه خلاني افكر في حياتي كلها واللي
عملته وان مفيش حاجه تستاهل ضياع ٢٧سنه خلف القضبان واتعلمت
صنعه اعمل شويه « خشب» واحسن حاجه اني بطلت فيه تعاطي تماما
بعد ماقررت اني ابطل
-وبطلت ليه ...يعني امتى قررت؟
-اخر مره اتحبست كنت ببيع وبتعاطى وبنتي الصغيره لقيتها بتعيط
وبتقول « كفايه هتموت يابا» ومن وقتها بطلت
-وقصة التوبه جت ازاي؟
-جت وانا في المحكمه نمت وانا مستني القضيه بتاعتي جاتلي رؤيه ان
لو مااصلحتش من حالى هحصل واحد مسجل خطر كنت اعرفه ومات
موته بشعه ومحدش مشي في جنازته ولاحد اترحم عليه وقتها قمت
واستنيت حكم القاضي وقلت يارب لو مطلعش حكم كبير هخرج واتوب
وكانت ابواب السما مفتوحه واتحكم ب ٣سنين ورجعت الزنزانه عشان
انام وتجيلي نفس الرؤيه بس اوضح فقمت اصرخ تايب يارب والتوبه
نصوحه ومن وقتها ولا ببيع ولا بشرب ولا بمسك اي سلاح
-بقالك قد ايه ؟
-بقالي خمس سنين
-عايش ازاي؟
-فتحت كشك صغير ببيع فيه شويه حاجات
-ايه اللي اتعلمته من الحياه؟
-الصبر مفيس احلى منه ،الصبر على ابتلا ربنا لانه ربنا بس اللي
عنده الفرج ولان الانسان ممكن يضيع نفسه بافعاله لو مصبرش ،وان
الحياه قصيره والحياة غروروة مجرد كذبه وخدعه وكلنا هنموت ومش
باقي الا الخير
-ايه امنياتك في الحياه؟
-امنيتي استر بناتي واعرف اجهزهم واعمل عمره
-بتنصح الشباب اللي ضل طريقه بايه؟
-اقوله شوفني واللي زيي وصلنا لايه ولا حاجه ..كبرنا وعجزنا
والحياه هدتنا وضيعنا احلى ايامنا في السجن ..اتعظوا وامشي عدل
يحتار عدوك فيك
51
