Page 19 - E-modul Pawarta Basa Jawa

Nanggapi Pawarta

Tanggapan sawijining pawarta, bisa wujud pratelan utawi tulisan, kanthi ancas kanggo
njlentrehake panemu babagab apa kang dirungu utawa diwaca. Aweh tanggapan utawa
nanggepi pawarta ateges nelakake panemu gegayutan karo pawarta kang dirungokake utawa
diwaca.
Supaya bisa aweh tanggapan isi pawarta kang becik, luwih dhisik kudu mangerteni
pokok-pokok isi pawarta utawa bakuning pawarta adhedhasar 5W+1H.
Sawise mengerteninpokok-pokok isi pawarta, banjur bisa aweh tanggapan marang isi
pawarta kang disemak utawa diwaca. Dideleng saka isine, tanggapan isi pawarta nuduhake
pranyatan kang nelakake sarujuk, ora sarujuk, aweh panyaruwe (kritikan), muwuhi panemu
utawa asung pamrayoga gegayutan isining pawarta.
Tanggapan kang becik, yaiku:

● Tanggapan kudu laras karo isi pawarta.
● Aweh tanggapan kudu apa anane/ obyektif
● Ngandharake tanggapan kudu sinartan pawadan (alesan)
● Senajan ora sarujuk, aja nganti ngrasa tanggapane paling bener
● Migunakake basa kang alus lan sopan
● Migunakake basa kang rongkes, nanging cetha lan gampang dimangerteni liyan.
● Tanggapan mujudake pranyatan/ pratelan