Page 2 - E-modul Pawarta Basa Jawa
P. 2
Atur Pangiring
Puji syukur konjuk wonten Ngarsa Dalem Gusti Ingkang Maha Suci, ingkang tansah paring
kanugrahan bagas kasarasan dhumateng kita sami, satemah modul pengamping bahan ajar menika saged
karacik.
Modul bahan ajar menika karacik adhedhasar Kurikulum Muatan Lokal Wajib Basa Jawa, Peraturan
Gubernur Daerah Istimewa Yogyakarta No. 64 Tahun 2013 babagan Mata Pelajaran Basa Jawa minangka
Muatan Lokal wajib ing SMP/ MTs.
Mugi kanthi pengamping bahan ajar menika, para siswa saged langkung gampil nyinau wulangan
basa Jawa mliginipun bab Pawarta Basa Jawa, amargi modul menika saged dipunginakaken wonten
android. Modul menika katujokaken dhateng siswa kelas VIII ing MTsN 9 Bantul utawi madrasah
sanesipun. Ing modul menika kaandhut materi, video, ugi soal-soal latihan arupi kuis interaktif.
Panyerat ngrumaosi bilih pengamping bahan ajar menika taksih kirang malah kepara tebih saking
sampurna. Pramila panyerat nyuwun agunging pangaksami mbokbilih damel kuciwaning penggalih.
Panyerat tansah mawantu-wantu pamrayogi lan panyaruwe saking panjenengan sami.
Matur nuwun.
Panyerat
Nita Yuniati, S. Pd.
