Page 6 - E-modul Pawarta Basa Jawa
P. 6
Tuladha Teks Pawarta
Nyulap Ampas Tebu Dadi Karton Migunani
Ampas tebu limbah sing ora ana gunane, pranyata isih bisa dimanfaatake kanggo
bahan baku karton. Kuwi riset utawa panalitene siswa MTsN 9 Bantul, Nabila Aulia Rahman.
Riset kasebut ngasilake prestasi antuk kejuaraan ing tataran internasional taun 2020. MTsN
9 Bantul minangka madrasah unggulan riset, unggulan akademik, lan lagi tumuju dadi
madrasah digital.
Karana risete kuwi, Nabila Aulia Rahman Kelas 9D antuk medali perunggu
International Young Inventors Award (IYIA). Nabila didampingi guru pendamping M. Muad
Irmawan, S. Si., kandha, nalika panalitian, dheweke golek ampase tebu saka petani tebu.
Dene anggone ngolah dadi karton menyang pabrik kertas ing Magelang.
Nabila Aulia Rahman nalika diwawancarai kandha bilih dheweke bisa berprestasi
amarga sregep sinau lan ndedonga, ora luput Nabila disengkuyung marang wong tuwa lan
guru-guru MTsN 9 Bantul.
Nabila Aulia Rahma kalebu siswa kang nduweni prestasi akeh. Kajaba menang medali
perunggu ana ing IYIA, bijine Asesmen Standarisasi Pendidikan Daerah (ASPD) uga paling
dhuwur, banjur biji Ujian Madrasah dheweke ana ing urutan nomer telu.
Edhi Gunawan mongkog, MTsN 9 Bantul prestasine akeh. Pinercaya minangka
madrasah unggulan riset, unggulan akademik, lan lagi tumuju menyang madrasah digital. Ing
pangajab, kanthi layanan digital bisa luwih migunani tumrap masarakat.
Kapethik Saka: Jaya Baya No. 45, Minggu 11 Juni 2021 (kanthi owah-owahan)
