Page 10 - E-modul Pawarta Basa Jawa

Market Day MtsN 9 Bantul, Sarana Ajar Dagang kanggo Siswa Irah-irahan
Bantul (MTsN 9 Bantul)- Market Day minangka salah sawijining kegiyatan ing
rantamaning adicara Hari Amal Bakti (HAB) MTsN 9 Bantul kang kaping sewelas.
Miturut Ketua Panitia HAB kang uga Wakil Kepala Madrasah Bidang Humas, Dra.
Rahmi Prabawati, ancasing kegiyatan Market Day iki kanggo nglatih siswa supaya Teras Pawarta
nduweni jiwa bisnis. Siswa saka cilik dilatih supaya pinter anggone wirausaha kanthi
dodol dagangane dhewe-dhewe.
Siswa saben kelas gawe papan-papan kanggo dodolan kanthi diewangi wong
tuwane. Kegiyatan kasebut dianakake ing Dina Setu (07/03), bebarengan karo
rantaman adicara liyane, ing antarane launching program unggulan, wisuda tahfiz,
bakti sosial, lan pentas seni.
Cacahing stand yaiku ana 13 stand kang digawe ana ing halaman madrasah.
Siswa dodol maneka warna panganan kang diproduksi kabantu dening wong tuwane
dhewe-dhewe, kayata jus, jajanan pasar, sega kuning, sega kucing, lan panganan
kekinian.
Isi Pawarta
Siswa dilatih tulung tinulung ana ing kegiyatan iki. Ana sing njaga papan, ana
kang nyebar brosur kang isine menu-menu panganan, lan ana uga kang mubeng-
mubeng dodol dagangane nganggo tedho.
Sing tuku dagangane ora mung saka kalangan siswa, ananging uga wong
tuwa, lan masyarakat sakiwa tengen madrasah.
Kepala MTsN 9 Bantul, Nur Hasanah Rahmawati, S. Ag., M. M. ngendika bilih
kegiyatan Market Day minangkan sinergi antarane guru, pegawe, siswa, wali murid,
komite, lan masyarakat sakiwa tengene.