Page 23 - projek tesis sampunrevisi

PEPLAJAHAN 1

NGURATIANG

1. Téks wacana Latin

Durusang wacén téks wacanané ring sor puniki raris

dagingin pinget pahan-pahan sané mebuat manut alit-alité

maka paweweh pangweruh.

Bhagawan Domya

Kacrita wénten ida sang pandita, sané mapeséngan Bhagawan

Domya, Pasraman idané ring jagat Ayodya. Ida madruwé sisya

tigang diri sané mapeséngan, Sang Utamanyu, Sang Arunika

miwah Sang Wéda.

Makatatiga turéksain ida, napi ke murid-murid idané suyakti

bhakti ring guru. Tata caran ida rikala nuréksain, Sang Arunika

kapandikayang makarya ring cariké, sadurungé ida Sang Guru

micayang kaweruhan indik kadharman. Dawning asapunika

wacanan Ida Dang Guru, Sang Arunika ngemargiang sapari polah

makarya ring sawah.

Sang Arunika nandur pantun ring cariké, risampun lanus entik

pantuné, rauh sabeh bales pisan sane kadulurin blabar ageng,

embid puindukan cariké. Antuk ajerih idané pantuné kalancah

antuk toyane ageng, empelin ida toyané punika, during suwé

empelane punika malih embid, malih empel ida malih embid.

Duaning asapunika kawentenannyané rumasé bingung Ida Sang

Arunika tan uning sané patut kalaksanayang.

Selanturnyané anggan idané kaanggén ngempel, raris ida

nyeempang ring toyané. Nyantos rahina wengi. Paindikan punika

kaaksi Sang Arunika antuk Bhagawan Domya, raris ngandika ;

Cening Sang Arunika matangi idéwa dahating pageh cening

ngelaksanayang bawos bapané nyantos idewa ngempel toyané

antuk ragan ceningé. Jani bapa ngemaang cening adan. Sang

Udalaka, sawiréh cening ngempelang ragang ceningé ring yehé.

22

E-MODUL PELAJAHAN BAHASA BALI SMK KELAS X