Page 24 - projek tesis sampunrevisi
P. 24
Malarapan bhaktin ceningé ring guru, cening lakar
mangguhang kasukan sekala sidhi mantra, sandi ngucap. Sané
mangkin Sang Utamanyu sané tureksain ida, kapangandikayang
ngangonang lembu, raris Ida Sang Utamanyu nganggon.
Sajeroning Ida nganggonang lembu raris ida kaluwén punika
mawinang ida ngagéndong utawi idih-idih, utamipun ngidih
ajengan anggén ida pangupajiwa rikala ida ngagon.
Sakewantén pikolih idané nénten katurang ring Ida Dang
Guru, indiké punika kawikanin oleih Bhagawan Domya. Raris
Ida Bhagawan Domya mawacana, cening Sang Utamanyu
ngaturang sembah kadulurin nunas pangampura, duaning
pamargin idané iwang.
Benjang semengané, memargi ida ngangon, sambilang ida
ngidih-idih. Pikolih punika aturang ida ring guru, sesampuné
katurang, malih ida ngidih-idih. Kaaksi olih Ida Dang Guru,
mingkalihin ida ngidih-idih, raris tan kalugra, déning kabawos
lobha. Malih ida ngangon saantukan kaluwéné raris ida nayub
susu sareng godelé ring nyonyan lembune. Katakaning olih Ida
Dang Guru napi sané kaanggén sangu rikala ngangon.
Matur Sang Utamanyu, titiang masusu ring nyonyan lembuné.
Ngandika Ida Dang Guru ; cening Sang Utamanyu sing patut
laksanan ceningé buka keto, sawiréh nyuwang druwén nabé
ento adané, awinan ida wusan nginum susu.
23
E-MODUL PELAJAHAN BAHASA BALI SMK KELAS X
