Page 70 - projek tesis sampunrevisi

Pura Besakih pinaka pura pinih ageng ring Bali saha madué

palebahan kirang langkung tiga likur. Yening rereh saking kota Denpasar

dohnyané nem dasa kilometer, pamarginé nglintang kota Gianyar

miwah Klungkung. Saking kota Klungkung ngalerang malih kalih likur

kilometer. Pura Besakih punika pinaka puser purané ring Bali,

makagenah nyiwi Ida Sang Hyang Widhi. Pamucuk genahé tan seos

wantah Pura Panataran Agung. Genah natar purané mapanta-panta

wénten pitung panta makalambang sapta patala. Pujawali ring Pura

Panataran Agung kamargiang nyabran rahinan Purnama Kapat. Ring

Panataran Agung wénten Padma Tiga pinaka linggih Ida Sang Hyang Tri

Purusa utawai Sang Hyang Siwa Tiga minakadi Batara Siwa, Sadasiwa,

miwah Parama Siwa.

Sajaba punika, nyabran rahinan Purnama Kadasa kawéntenang

pujawali sané kawastanin pujawali Batara Turun Kabeh. Ri tatkala punika

makasami umat Hinduné patutu pedek tangkil ngaturang pangubakti.

Sajaba punika, satunggil dasa warsa taler kawéntenang pangaci sané

kabaos Tawur Panca Walikrama. Yening sampun satus warsa

kawéntenang malih Tawur Eka Dasa Rudra. Tawur Eka Dasa Rudra sané

pinih untat sampun kamargiang duk Tileming Cetra Isaka warsa 1900,

tanggal masehi 28 Maret 1979.

Kawadegan

Cawis sareng sametoné ring samping alit-alité, karyanang sareng-

sareng indik pituduh ring sor puniki:

a. Indayang makarya lengkara tunggal nganggén bantang pura?

b. Indayang carca pura sané wénten ring Bali tur magenah ring

kabupatén napi? karyanang denah genahipun? Karyanang antuk

lengkara-lengkara sané patut!

c. Indayang karyanang karangan singkat sané nganggén tema

"nyaga kelestarian pura" antuk wangun kruna, weangsan kruna,

miwah lengkara sane patut!"

d. Indayang surat pengalaman alit-alité indik kawéntenan kramané

sané urati luu miwah sané ngutang luu sakita arep antuk wangun

kruna, weangsan kruna, miwah lengkara sané patut!
69

E-MODUL PELAJAHAN BAHASA BALI SMK KELAS X