Page 74 - projek tesis sampunrevisi

PEPLAJAHAN 2

NGWACEN WACANA MAAKSARA LATIN NGURATIANG

Indayang wacén wacanané ring sor antuk wirama (intonasi)

sane patut sinambi nguratiang

Ada reko anak madan Pan Balang Tamak,

maumah di désa anu. Kacrita ia sugih

pesan tur ririh makruna, muah tuara nyak

kalah tekén pada timpalné di désa

totonan. Baan té saking kruna daya

upayané anggona ngamusuhin désané.

Yén upamaang dayan Pan Balang

Tamaké, patuh buka bun slingkad

lutungé, baan saking beneh. Ento kranané

Pan Balang Tamak sengitanga baan

désané. Yén tuah dadi baan désané,

apanga ia makisid wiadin mati apanga

sing ada enu nongos di désané totonan.

Baan té tra ada mintulin pagaén désané,

bakal ngaénang dosan Pan Balang Sumber : kb.alitmd.com

Tamaké ento. Gambar 4.3. Ilustrasi Pan Balang Tamaki

Di sedek dina anu paum désané bakal nayanang Pan Balang

Tamak, mangdéné ia kena danda. Lantas panyarikan désané nundén

ngarahin Pan Balang Tamak, kéné arah-arahné, ”Ih Pan Balang Tamak,

mani semengan mara tuun siap, désané luas ka gunung ngalih kayu,

bakal anggon menahin balé agung. Nyén ja kasépan, bakal danda.”

Kéto arah-arahé tekén Pan Balang Tamak.

Kacarita maniné semangan mara tuun siyap, lus désané makejang,

nanging Pan Balang Tamak masih enu jumah padidian, krana ia

ngantiang siapné tuun uli bengbengané. Makelo ia ngantiang, tondén

masih siapné tuun. Ada jenengné makakali tepet, mara siapné tuun uli

di bengbengané, ditu mara ia majalan, nututin désané luas ngalih

kayu ka gunung.

73

E-MODUL PELAJAHAN BAHASA BALI SMK KELAS X