Page 5 - COBAA 1
P. 5
26. Hidung Irung Grana
27. Bulu mata Idep Ibing
5. Buatlah wacana deskriptip dengan menggunakan ragam krama kegiatan bangun tidur
sampai ke sekolah ketika anda usia kelas 5.
Wangsulan :
Kegiatan Kula Ing Wekdal Enjing
Ing wekdal 05.00 kula ditangiaken dening ibu kangge nglampahaken solat shubuh,
sasampunipun tangi kula lajeng mendhet toya wudhu, lajeng ngangge mukena kangge sholat
shubuh. Sak sampunipun sholat, kula ngrapikaken mukena lan nyukani malih dhateng
lemantun. Lajeng kula mriksa malih pirantos sekolah ingkang sampun kula siapaken wau
dalu, punapa sampun mlebet dhateng lebeting tas sedaya utawi dereng. Bilih sampun
sedaya lan mboten wonten ingkang kantun, kula lajeng adus, amargi kedah gantosan
ngangge jedheng kalihan ibu lan bapak. Dados kula kedah adus langkung awal, supados
mangke bidhal sekolah mboten kantun lan saged sarapan rumiyin. Kula adus sawentawis 10
menit, sasampunipun adus lajeng ngangge seragam sekolah. Amargi dinten menika inggih
dinten selasa mila kula ngangge seragam pethak abrit, saha langsung ngangge sepatu.
Menika sampun rapi, lajeng nglampahaken sarapan sareng bapa lan ibu, wanci
sarapan ibu limrahipun ngemutaken kula kangge mriksa malih barang ingkang kula beta.
Bapa ugi nyukani arta jajan kalih kula, kalihan ngemutaken kangge nyisihaken kangge
ditabung. Sasampunipun sarapan, lan wekdal sampun nedahi wanci 06.30 kula pamit saha
sungkem kalih bapak lan ibu. Kula bidhal langkung awal amargi kula angsal jadwal piket.
Kula bidhal dhateng sekolah mlampah sareng kalihan kanca-kanca, amargi jarak griya
dhateng sekolah caket sanget, naming mbetahaken wekdal sawentawis 10 menit, wonten
perjalanan kula kalihan kanca-kanca criyos ngengingi kathah bab, upaminipun criyos
ngengingi bab punapa ingkang ajeng dipunlampahaken mangke kala wonten sekolah.
Sasampunipun mlampah kirang langkung sedasa menit, kita dumugi wonten sekolah
lan kula langsung mlebet kelas kangge ngresekaken kelas sareng kanca kula sanesipun.
Sasampunipun piket, lajeng ngentosi gangsal menit kangge miwiti wucalan disekolah. Leres
tabuh 07.00 wucalan dipunwiwiti dening bu guru, dipunwiwiti kalihan ndonga sesarengan
teras dipunlajengaken absen saha lajeng miwiti wucalan.
