Page 2 - Pa.-Kam-Za-Kham-leh-Cikha-khua-thu

V. PA. KAM ZA KHAM INN LAMTE

Suangphei ah kei mah Hau Tung ka vapai leh, Pu.Dai Khan Thang in ka Pa
tawh kisai hih bangin hong gen hi. Na Pa. Kam Zam Kham pen khut siam
mahmah mikhat hi-in, Inn lam zong siam in inn tampitak lam hi. Amah pen tua

hunlai in Inn lam dingin kicial kawikawi a, Amah pen Lettama zong siam
mahmah hi.
A inn lamte.
 Cikha a sang inn ki lam masa penpen leisak san tawh a ki lam pen
 Tualpi khang a Sang Siapipa te om na ding a ki lam masa pen
Ka mangngilh theih loh khat ah inn a lam ciang mi’n huh thei zel in, Aman
hoihsa khollo ahiam, a zing ciang phelkik in lampha ngiatngiat khat hi-a, citak
mahmah khat hi.

Gan zong hau mahmah a nei thei mahmah khat hi a, a nunglam ciang no hun
ciang hong kamsia in bang mah a neih notloh hang in nidang in, khuata hauh
khat ahi hi. Ken bel no hong theiban kengin, na U masate uh thei ing hongci hi.

VI. INN MUN TAWH KISAI
Inn mun tawh kisai in ka Pa in a neih ngeina munte tawm hong pulak
ning:
1. Pu.Kam Sawm Thang-te inn mun pen ka Pa.Kam Za Kham a hingei
hi.
2. Pa.Gin Neih Thang-te inn mun pen ka Pa.Kam Za Kham a hingei in,
ko pian na mun ahi hi.
3. Ka Pu.Vial Khen Mang-te inn mun zong hi ngei hi.

VII. CIKHA AH NIDANG IN KA U. VUNGTONG-TE KA U.MAN
NEUTE HUN LAI A PA. KAM ZA KHAM ZANGLOTE
1. Pu. Gin Thuam, Pa Thang Khan Mung-te zanglo tuivai gei a pen ka Pa
Kam Za Kham zanglo hingei hi.
2. Sang innpi khang a Nu. Khek,U.tual-te zanglo pen ka Pa Kam Za Kham a
hi ngei hi.
3. Pa Kam Hang, Fr. Thang Khen Tuang-te tuivai ngei zanglo pen zong ka
Pa Kam Za Kham a hi ngei hi.

4. Ka U.Thang Thual-te zanglo Taltang a pen ka Pa.Kam Za Kham nailung
huan hingei hi.
5. Pa. Kap Khan Tung-te zanglo Hanmual gei a pen zong ka Pa.Kam Za
Kham a hi ngei hi.
6. Mauvom tualpi zong ka Pa.Kam Za Kham in na bawl in, Tui ngah zolo
ahih manin hi ci koih hi.

2