Page 6 - Pa.-Kam-Za-Kham-leh-Cikha-khua-thu

in adot ciangin meigit bu khat tawh hong kuan hi ung ci-in dawng hi,khua hal
ding in hong kuanto hi uh acih nopna ahi hi.
Vuandok Mangpi Gin Za Ciin leh na Pa.Kam Za Kham ka Pu.Kham a ding in
a Nuphal hi in,na U.Vungtong,U.Niang Khan Cing,U.Gin Do na U. Manneu-te
nungakno lai hun hi.
Tua ciang in na Pa.Kam Za Kham ka Pu.Kham in Nuphal aw no hong
hawlkhia le uh cin ko koi teng ah om ding ka hi uh hiam? Ko ka om nang uh
omlo pi Zoute in lah hong ngailo a ko ka om nang uh omlo pi Nuphal aw a cih
ciang in. Mangpi vuandok Gin Za Cin in tuabang om theilo lau ken kei om ing
nuphal aw ci-in, ka Pu.na Pa.Kham,Kam Za Kham acian pia hi.
Inn 30 na lam unla tua ni tua kha in hong pai kik ding hi ung, tua inn 30 na lam
na uh ah mikhat ta na om unla puan na khai un mei na tawh un ci-in vaikhak hi.
Mangpi vuandok Gin Za Cin-te Inn 30 a cing hiam cih sitding in pai kik in sit
uh a, Inn 30 cingta ahih manin tun Hausa ngah thei ta nuphal aw kua in Hausa
sem ding na hi uh hiam? Tu mahmah in ken lai hong bawlsak pah ding hi’ng ci-
in gen hi.
Tau ciang in Pa.Ngam Khua Pau pen Hausa sem nuam in,na Pa Kam Za
Kham kiang ah Cingno pa aw kei Hausa hongsem sak in ci in khitui luang liang
in kun hi. Tua ciang in ka Pu Kham (Kam Za Kham) in Zote tawh kipawl kei
ning ci-in suangtang na pet a Aitui dawn a, na kiciam ngam leh Hausa hong
semsak ding hi ung ci hi.
Tua ciang Pa.Ngam Kho Pau kiciam in suangtang pet in khitui luangliang in
kiciam in, Pu.Khai Za Lang-te inn tual ah na Pa. Kam Za Kham ka Pu in
kiciamsak hi. Pa. Ngam Khua Pau pen Khuaivum pan in Cikha hong pai suk
ahi hi. Tua laitak pen Bu. Khai Khua Pau in Tedim ah piada a seplaitak ahi hi.
Cikha khua a kip sa hi napi in, Thu hong nung om in sum 300 hong kigap ciang
in kua mah a pia nuam omlo in lungkia uh hi. Na Pa.Kam Za Kham ka

Pu.Kham in 300 liausum pia hi. Na pa Kam Za Kham leh Mangpi Vuandok
Gin Za Cin kitelkhial dektak uh hi.(This is the second witness)

XI. PA. NGAM KHUA PAU IN PA KAM ZA KHAM ZAWL IN, A
MATNA THU(ata neu pen Pa. Pau Khan Tuang genna)

Ka Pa.Kam Za Kham pen Tawmging beh hi in, Pa. Ngam Khua Pau pen
Naulak beh behkhat zong hilo in zong kitanauna omlo hi. Ka Pa Kam Za
Kham in suangtang petsak in, Aituidawn sak in, kiciamsak in Hausa a sepsak
tak ciang in, Pa. Ngam Khua Pau in ka Pa Kam Za Kham pen Zawl in man
hi. Sa a mat ciang Zawlsa na pia ngiatngiat hi.
Pa. Ngam Khua Pau a sih ciang in zong a tapa Pau Khen Mung in zong Pa.

Do Lian-te inn ah ka om sung uh zong, zawl sa tawlkhat hong pia lai hi. Kei leh
ka U.Vial Suan USA a om pen, Pau Khen Mung in zawl hong ci hi. Khua vai

6