Page 3 - Pa.-Kam-Za-Kham-leh-Cikha-khua-thu

7. Tualpi zong na bawl ngei hi. Ai hang tui ngah zolo hi.
8. A mundang mi a piak zong tampi omtuak lai hi.

VIII. PA. KAM ZA KHAM TUI KHUK
1. Phuntong ah Pa Kam Za Kham tuikhuk a neu khat om hi.
2. Nidang a Nu.Ngaih Niang-te inn lui nung a, Pa.Cin Sial hausa a sem
ngei, Tuate inn lampi pai toh na, Palik len dang ah ka Pa.Kam Za Kham
Tuikhuk om hi.
3. Khualui ah a vatot bual om hi.

IX. CIKHA KHUA HONG PIANZIA (Ka U.Manneu leh ka U.Vungtong
U.Cingno te genna)
Ka Pu. Khual Za Vum in Sahang inn sun tuah a kicite khat hong man in, Mi
gawh ngeiloh a minngaih deuh ding Lawi tawh ai ni ci-in Kansau zang ah Lawi
vakai-un ci-in, tanute a sawl ciang in vapai hi, i Pa.Kam Za Kham in Cikha
zang pheiteng a muh ciang in hih Cikha zang noptuak veh e ci-in lunglutpah in,
tua ciangin Pa.Pum Kap, Pa.Suak Kham te pata, Pu.Gin Zam-te pata teng in
beh khat i hih teh ci-in a na zolpah uh ciang un, Amah lunglutpah in March 24,
1957 kum in lal in, khua nasat pah uh hi, Khuaivumte in amau gam sung ahih
man in amau phalnalo tawh khuasat ding pen phallo uh hi.
Tua ciangin amau lah tengsuak nuamta ahih ciang un, bang leh bang leh ci-in i
Pa.Kam Za Kham in Saipimual pan Pu.Hang Khua Dai te,Luangel pan
Pu.Zam Dong, leh Pu.Hang Nang, Pu.Son Lang te ,eh Lingthuk pan Pu.Hen
Thang tua inn 4 teng khuakim ah meltheih pawl cial in, a vavak ciang in tua inn
4 teng in na zui-in, tuateng tawh ma na pang khawm uh hi. Tedim Township
pan a i Papi.Kam Za En pen tualai in khawk-uk kici hi, tulai Osuh Okathah hi
ngel in cin (Chief of Township) a sep laitak hi , i Papi.Kam Za En pen
Suangphei khua pan mah ahi hi.
Ohsuh Ohkathah i Papi.Kam Za En in Maltang(malgam lam) zin ding a cih
ciang a IP, Pa.Khai Za Kham i cih uh pen Palik(Police )lampan alian pen hi-in
Tawmging beh i behte hi in. Mangpi Vuandok Gin Za Cin lah i Pa.Kam Za
Kham Nuphal hi in, Menzi- Thawng Cin Thang tawh maltang ah Neyleh a
tuateng hong zin to khawm zel uh hi.
Tualai in ei inn bang deubuk hilai in a hih hang, Ohsuh hausa i Papi.Kam Za
En lamkhaihna in ei-inn mah ah deubuk sung ah Vuandok Mangpi teng tawh
hong tung uh hi. I Pa.Kam Za Kham in zozu lim mahmah na lup in, sa nagawh
vok tuk 4 khat nagawh Zozu lim mahmah na lupin, la nasak in lam khawm uh
hi, tua bang in zin a kido toto ngiatngiat ahi hi.
Tua kawmkal ah Khuaivumte in lah ka gam uh ci-in ong susu ong nawh
khiakhia uh hi. I Pa.Kam Za Kham lah hih Cikha pan in paikhiat ding ut nawn
pheuh mah lo hi.

3