Page 4 - Pa.-Kam-Za-Kham-leh-Cikha-khua-thu

Ohsuh Ohkathah i Papi. Kam Za En leh a lawmte vuandok mangpi teng a ciah
ding ciangin Cingno Pa aw bang leh bang leh Khuadam ciang hong kha in hih
zumun samun ah ih kigennopte kigen ngamlo ih hih manin ci-in i Pa kiang ah
na gen in i Pa in zong Khuadam ciang vakha phei hi. A hang pen zumun samun
ah kigen le uh kimlepam pan kingai sim kiza sim ding deihlohna hang ahi hi.
I Pa in Khuadam ciang vakha in tua kawmin hih bangin thusim na gen uh hi. Na
khua uh inn 30 a cin kei leh inn 30 na cingsak unla tua ni, tua kha ciang in-ah, a
sit ding in hong paitosak ding hi-ung ci hi. Khua hal ding ci-in hong kuansak
ding hi ung ci-in thusim napia na gen uh hi.
Tua ciang in i Pa.Kam Za Kham-te pawl in Pu.Hen Thang, Pu. Hang Nang,
Pu. Son Lang, Pu.Gin Zam leh i Pu.Awn Khua Hau tua tengpen inn 30 a cin
theih nading buk no khat tek lamsak in lupna dawhsak, bel nihta koihsak
zanpuan ding uh koihsak cih bang in, na hih uh a tuapan in ani a kha a cin ciang
in Khuaivum-te phalna omlopi in khuasat theilo ding ci-in i Pa.Pau Go Pau
Palik(Police) makaihna tawh hong kuanto sak uh hi, tua pan in Palik (Police)
te’n zong hih Khua pen inn 30 a phak kei leh Khuasat theilo ding haltum ding ci
in, inn sim masa phot uh hi.
Tua ciangin inn 30 ahih manin Upadi (Law) lai bu hong lem uh a, Upadi (Law)
lai bu hong lem uh ciang Upadi tawh kituak inn 30 pha ahih ciangin hal nawnlo
ding hong ci uh hi. Tu-in inn 30 cing ahih ciang kihal theilo ci-in, Cikha khua
khat a suak theih taktak nang in danngui(Fine) liausum 300 liau ding hi uh teh
hong ci uh hi.
Tua danngui liausum pen Cikha ah an a tam mahmah hang kua man a sum a
neilo ahih manin i Pa.Kam Za Kham bek in nei a, tua danngui (Fine) liausum
300 pen i Pa.Kam Za Kham in pheksa in na piaziau hi. Pawltak ciangin inn
suan (inn lusik) ah an teh ding tua danngui (Fine)liausum Cingno Pa 300 piak
pen dinkik ding a cih uh hang in, an apia zo a om hangin a pia zolo om veve

ahih manin apia zolote sik nawnlo in tua teng tawh Cikha khua i Pa.Kam Za
Kham in na tankhia in khua khat hong suak thei hi.
Tungsiah pan thu hong pai leuleu in tu’n Cikha, Khuaivum zang pen khua khat
suak theita in Cikha khua hita ding cih thu hong kigen hi. Tua ciangin tungsiah
pan in Hausa kitel theita na hih man un kitel un hong ci uh hi. Tua ciangin
Pu.Khai Lang-te innka tang ah Hausa kitel ding kikaikhawm ding meeting ding
hi hang ci-uh a, i Pa.Kam Za Kham pen Pu aci tawh Pa. Kham a ci tawh,
Cingno Pa aci tawh, hih Cikha khua a suah nading in nang a pangpi pen, a phu
pipen na hih manin Cingno Pa aw, kitel kullo in nang mah Hausa hipah teh,
Hausa hong sem in ci ngeingai uh hi.
Niang Ngaih Lun Pa.Ngam Khua Pau pen Hausa sem khalo ding ci-in Hausa
sem nuam in naukah in hong kap ciang in, i Pa.Kam Za Kam in bang leh bang
leh Pa.Ngam Khua Pau zong Inn 30 a cinna ding in inntuan lak ah pa ahih
manin i Pa.Kam Za Kham in hih Nu.Niang Ngaih Lun Pa. Ngam Khua Pau
pen Hausa sem nuam a nau kah a kap liang ahih teh Khuaivum-te lam ah ka

4