Page 86 - Kelompok_Kompetensi_G_Makarya_Sembrama_Wacana_Puisi_miwah_Geguritan
P. 86
“Baang tiang ngidih dasa tali dogen nah pa, lakar anggon tiang meli
sandal. Sandal tiangé pegat, kembang batis tiangé krana ujan-ujan.”
Sing masaut Pan Miwaha mara tiang nagih pipis ngalap stroberiné dasa
tali. Pan Miwaha mula pait gati. Lamun nyilih pipis tusing dadi kenkenang apang
enggal-enggal uliang. yening nyilih duang dasa tali nguliangné nikel, dadi petang
dasa tali. Kewala kenkenang buin, tusing ada tongos lenan tiang nyilih pipis,
tusing ada ané ngugu. Majalan tiang ka tegale. Tegal stroberine tongosne di
durin umahné Pan Miwaha. Ngemped lan nged gati buahne. Stroberine barak-
barak buin jegeg gati gobanné, kewala masemne tan ngodag. Celepang tiang
stoberiné ané barak lelima ka kantongé, krana tiang sing ngimiwahg meli darang
nasi kanggoang stoberi dogen anggon ngisinin basang.
“Yee..putu, pedidian ngalap stroberi?.” Bli Dogler saget nyongkok di
samping tiangé, ngaé tiang makesyab.
“Ae bli. ne buin bedik dogen suba pragat. Padidian mai?”
“ Ae..padidi..Nah..adéng-adéng dogen tu, apang makeloan maan
ngorta!jani bli nagih janji ajak Putu, kenken sujatinné?Putu tresna apa tusing ajak
bli. Yen putu nyak ajak bli, lautang nganten. Apang tusing pedidian putu ngoyong
badelod. “Bli Dogler ngraos saha ngisiang liman tiangé.
“Tiang…kene bli, yen memen bliné konden masi nyak nrima tiang
kenkenang bli?tiang sujatinné tresna teken bli.Sakewala tiang tusing nyak
matunangan apa buin nganten ajak bli yening reraman bliné tusing nyak nrima
tiang.” Ngetel yeh paningalan tiangé ngingetang munyin reramanné bli Dogler
dugase petengé ento.
“Dé..apa kal alih cai makurenan ngajak jlema ubuh. Meme bapanne
tusing ada anak nawang. Ngae lek ati dogen cai! Nyai masi Putu, lua sing
nawang lek nyai….suud nyai paak-paak ajak panak icangé nah tu…Icang sing
ngalih mantu tukang suun belog magandong cara nyai.”Nengkik saha ngejer
liman Memenne Bli Dogler nuding-nuding ukumiwah tiangé.
“Tu..tu..apa kakenehang?, bli sadia mlaib uli désané ne ajak Putu. Ajaka
ke badung, bli lakar maburuh ditu, sakewala apang ajak putu, natakin tis panesé
ditu. Kenken, nyak putu?.
Abuku tiang tusing ngIdaang masaut, caket bibih tiange. tuah anggutan
tiange nyihnayang tiang nyak lakar mlaib ka badung.
74
