Page 87 - Kelompok_Kompetensi_G_Makarya_Sembrama_Wacana_Puisi_miwah_Geguritan

“Nah lamun keto buin nyanan petengné bli lakar ngalih putu

ngelomiwahg. Antiang ditu, da kija-kija. sawatara jam kutus bli lakar mapagin
putu. Jani Bli mulih malu.”Magegeson Bli Dogler mulih sambilanga ngaba
stroberi.

Maenggal-enggalan tiang mulih. ered tiang batis tiangé ane suba
kembang lemlem krana tusing masandal. Di liman tiange tekekang tiang ngisi
pipis dasa talian ane idih tiang uli Pan Miwaha. Yadiastun munyi kasar bakat

tiang, ane jani paling utama tiang lakar mlaib ka badung ajak Bli Dogler. Ujanne
bales. Gumin Pancasarine cara lakar uug. Neked jumah pejang tiang pipise duur

mejané. Benjep yen suba majalan ka badung tiang lakar mareren meli sandal.
Suba telung jam ujané ngejeg tusing ja nget. Guminé suba peteng dedet
yadiastun mara jam lima. Ngetug bayun tiange, negak sing luung, majujuk

sumingkin paling tindakan tiangé. Jejeh gati tiang yen kanti tusing ngIdaang
mlaib jani ka badung.
Stroberine ane jemak tiang mara, punduhang tiang di mejané. Ngelah

masi rasa sebet, yening ngalahin umahe ene. Uli mara lekad suba empuna ajak I
Dadong dini. Jemak tiang potrekanne I Dadong. Kenyemne enu marawat-rawat
kanti jani, sebet bena kenehe. Jani tiang lakar matilar uli umahe ene, tuah

mabekel potrekanné I dadong ane ada tuah abesik. Inget tiang, dugas ento ada
toris motrek tiang ajak i dadong di tegale. Mimih… dija ja jani dadong ngayah,

iseng tiang dong…
“Tuu…Tuuu….pesuuu tu….”Makesyab tiang ningehang ada anak rame di
arep umah tiange. Ngedebras tiang uli tegakanné, intip tiang uli jendelané, nyeh

atin tiange yening ane teka reramané Bli Dogler.
“Tuu….pesuuu..enggalin….”Mara dengokin tiang Men Ade ajak pianak-

pianakné maujan-ujanan di sisi. Di durinné liu anaké mlaib masi.
“Nak engken ne me..adi makejang mlaib?.”Jagjagin tiang Men Ade ane
nganggon kamen batik tur ukumiwahé suba belus licitan.

“Enggalin mlaib tu, ne bukite suba makuus uli baduur mirib lakar longsor
ne. Makejang suba orahina ngungsi ngajanang. Lan..jani ajak meme ngungsi.
Lan…”Gisianga liman tiange ajak Men Ade.

“Mimihh..ratu, seken Me..lan mlaib lamun keto.”Mlaib tiang ajak Men Ade.
Mara mlaib limang tindakan, inget tiang ajak pipis tiange anggon meli sandal lan
tas ane misi potrekanné I Dadong.

75