Page 5 - E MODUL INTERAKTIF SERAT WEDHATAMA
P. 5
Gancarane ing basa Jawa :
Menawa aku tutur,
Patang sembah supaya dilestarekake,
Kapisan sembah raga, kapindho sembah cipta, katelu sembah jiwa, kaping papat
sembah rasa,
Ing kono bakal tinemu, anugrah Gusti ingkang maha kuwaos.
C. Isi lan Pitutur Luhur
Gambuh pada 1
Isine tembang Gambuh pada 1 yaiku ngrembug patang sembah supaya dilakoni, pisan
sembah raga, pindho sembah cipta, telu sembah jiwa, lan papat sembah rasa, menawa
kabeh wis dilakoni, ing kono bakal tinemu pratandhane Gusti Kang Maha Kuwaos.
Pitutur luhur kang kapethik saka tembang Gambuh Serat Wedhatama pada 1 yaiku
para manungsa supaya nglakoni sembah patang perkara, yaiku sembah raga, sembah
cipta, sembah jiwa lan sembah rasa.
Sapa kang wis nglakoni sembah kasebut bakal tinemu pratandhane Gusti Kang Maha
Kuwaos.
D. Tembang ing ngisor iki gatekna!
Gambuh pada 2
Sembah raga puniku,
pakartine wong amagang laku,
susucine asarana saking warih,
kang wus lumrah limang wektu,
wantu wataking wewaton.
1. Tembung-tembung iki golekana tegese!
a. pakartine :
b. warih :
c. lumrah :
d. wewaton :
e. raga :
2. Tembang Gambuh nduweni watak :
3. Tembang Gambuh ing dhuwur,
Guru gatrane :
Guru wilangane :
Guru lagune :
4. Tembang Gambuh ing dhuwur owahana dadi basa gancaran!
5. Apa isi lan pitutur luhur kang kamot ing tembang Gambuh ing dhuwur?
