Page 2 - НАРЯД ТИЗИМИ

НАВОИЙ КОН МЕТАЛЛУРГИЯ КОМБИНАТИ АЖ

“Наряд тизими” тўғрисидаги Низом

Кириш
“Наряд тизими” тўғрисидаги мазкур Низом (кейинчалик матн бўйича Наряд
тизими) раҳбарлар ва ишлар ижрочиларининг мажбуриятлари, ҳуқуқлари ва
жавобгарликларини аниқ тақсимлаш ҳисобига, ишларнинг хавфсиз бажарилишини
ташкиллаштириш ҳамда амалий назоратини таъминлаш мақсадида ишлаб чиқилган.
Наряд тизими наряд тизимининг моҳияти ва уни амалга оширишнинг принциплари,
ишлаши, ходимларнинг ҳаракатлари ҳамда айрим турдаги ишларга нарядлар
берилишининг ўзига хосликлари тўғрисида тушунча беради.
Мазкур Низом НКМК бош директорининг буйруғи билан амалга киритилади.

Атамалар ва таърифлар

Наряд тизими – ишларнинг хавфсиз ва самарали амалга оширилишини
таъминлайдиган ишларни ташкил қилишнинг шакли. Наряд тизимини қўллашнинг
асосий объекти – ишлаб чиқариш участкаси (цех, хизмат ва шу кабилар).
Наряд – бу Нарядларни бериш китобида (1-иловага қаранг) ёзма
расмийлаштирилган, ишлар раҳбарига берилган, ижрочиларнинг шахсий ва сон
таркибини, ишларнинг мазмуни, тартиби, жойи ҳамда бошланиш ва тугаш вақтларини,
уларни хавфсиз бажарилишининг зарур ва етарли шароитларни ҳамда нарядда кўзда
тутилган ишлар, уларни хавфсиз бажариш бўйича кўрсатмалар ижро этилиши
учун масъул аниқ шахсларни белгилаб берадиган ишларни малга оширишнинг
тартиби.
Наряд бўйича амалга ошириладиган ишлар, хавфсизликнинг тегишли қоидалари
билан аниқланади.
Топшириқ – бу, Топшириқлар журналига ёзма расмийлаштирилган, бевосита
раҳбар томонидан ижрочиларга (бригадага, звенога, алоҳида ходимга) бериладиган,
ишларнинг (сменанинг) мазмуни, бошланиш ва тугаш вақтларини, ишларнинг
бажарилиш жойи, ижрочиларнинг таркиби, уларнинг касблари ҳамда разрядларини,
ишларнинг хавфсизлигини таъминловчи чора-тадбирларни белгилаб берадиган,
бажариладиган ишларни амалга оширишнинг тартибидир. Топшириқ бир марталик
характерига эга ва у бўйича ишларнинг давомийлиги ижрочиларнинг иш куни
(сменаси) билан чекланади.
Ишларга раҳбарлик – бўлинма раҳбарияти томонидан ўрнатилган, ишларнинг
тартиби, ҳажмини, ижрочиларни, хавфсизлик чораларини аниқлашни ва ижрочиларга
нарядлар ёки топшириқлар, бошқа оғзаки ёки ёзма бошқариш кўрсатмаларини бериш
йўли билан амалга ошириладиган ижроларни назорат қилишни ўз ичига олган,
режаларни бажаришни ташкиллаштириш бўйича ҳаракатлар тизимидир.
Ишлар раҳбари – ишларга ёки ишларнинг айрим турларига, унга лавозим
йўриқномаси ёки бўлинма раҳбарининг буйруғи (фармойиши) билан юклатилган
мажбуриятлари, ҳуқуқлари ва жавобгарлигига мувофиқ, раҳбарликни амалга оширувчи
раҳбар ёки мутахассис (муҳандис-техник ходим).
Ишларнинг раҳбарлари наряд ёки топшириқ берувчи раҳбарларга ва нарядларни
ижрога қабул қилувчи раҳбарларга бўлинади.

https://t.me/nkmk_mmvtx