Page 3 - НАРЯД ТИЗИМИ

2

Ушбу наряд тизимини, эгаллаб турган лавозими ҳажмидаги бошқа Қоидалар ва
норматив ҳужжатларни билиши текширувидан ўтган ҳамда бўлинма раҳбарининг
буйруғи (фармойиши) билан ишлар раҳбарлигига қўйилган муҳандис-техник
ходимлар наряд ёки топшириқ берувчи, шунингдек нарядни қабул қилувчи раҳбарлар
бўлишлари мумкин.
Ишлар масъул ижрочиси – бригада, звено ёки гуруҳда катта этиб тайинланган энг
малакали ижрочи. Наряд ёки топшириқни бажаришда банд бўлган ходимларни иш
жойлари бўйича жойларига қўяди, уларнинг ўртасида ҳамкорликни ташкиллаштиради,
улар томонидан хавфсизлик чораларига риоя этилишини назорат қилади, ишлар
раҳбари ёки наряд ёхуд топшириқни берган шахс билан ҳамкорликни амалга оширади.
Ишлар ижрочиси (бригада аъзоси) – наряд (топшириқ) бўйича мустақил ёки
бригадалар (звенолар, гуруҳлар) таркибида ишларни бевосита бажарувчи шахс.
Нарядларни келишиш – вақт ва макон бўйича бирлаштиришга йўл қўйиш мумкин
бўлмаган ёки юқори хавф билан авария ҳолатини келтириб чиқариши мумкин бўлган
бўлган ишларни бажаришнинг тартиби ва кетма-кетлигини аниқлаш, шунингдек
потенциал хавфли жойлардаги (зарарли ва хавфли омилларнинг доимий таъсири бўлган
жойлардаги) ходимларга, фавқулодда вазиятлар юзага келган ҳолатда, ўз вақтида ёрдам
кўрсатиш учун уларнинг жойлашган ўрнини аниқлаштириш жараёни.
Хавфи юқори бўлган ишлар – амалга оширилишида ишчилар ёки атрофдаги
шахсларнинг жароҳатланиши, заҳарланиши ёки нурланиши хавфи юқори бўлган ҳамда
меҳнат хавфсизлигини таъминлаш учун қўшимча ташкилий ва техникавий чора-
тадбирларни амалга ошириш талаб этиладиган ишлар. Ушбу ишлар НКМК
бўлинмаларида юқори хавфи бўлган ишларни бажариш тартиби тўғрисидаги
йўриқномага мувофиқ наряд-рухсатнома бўйича амалга оширилади.
Жорий ишларни бажариш – ходимлар томонидан мустақил равишда ёзма наряд
ёки топшириқ олмасдан амалга ошириладиган ишлар.
Махсус ишлар – ходимлардан махсус тайёргарлик ва билимларни талаб этадиган,
махсус жиҳозлар ва индивидуал ҳимоя воситаларини қўллаш шароитларида амалга
ошириладиган, техникавий назорат шахслари томонидан доимий назорат остида бўлган
ишлар (ғаввослик, портлатиш, баланд жойларга чиқиш ва бошқалар).
Аварияли-қутқариш ишлари –аварияларни маҳаллийлаштириш ва тугатишнинг
режаларига ҳамда ходимларнинг авария ҳолатларидаги ҳаракатлари бўйича
йўриқномаларга мувофиқ бажариладиган, воқеа содир бўлган куни наряд ёки
топшириқни ёзма равишда расмийлаштириш талаб этилмайдиган аварияларни
уларнинг бошланғич босқичида одамларни қутқариш, маҳаллийлаштириш ва бартараф
этиш бўйича ишлар.
Техникавий назорат шахси – бу меҳнат муҳофазаси (хавфсизлиги) бўйича
қоидалар, меъёрлар ва йўриқномалар талабларига риоя қилинишини назорат қилиш
вазифаси юклатилган бўлинма (цех, хизмат, участка) раҳбарлари ёки мутахассислари.

НАРЯД ТИЗИМИ Ф. Н. ЎРИНОВ

https://t.me/nkmk_mmvtx