Page 5 - Thukul Ing Lemah Nela

Atur Pambuka

Matur nuwun dhumateng Gusti ingkang amargi
peparing saking Panjenengan, kula saged ngobahake
raos awujud kempalan cerita cekak ingkang saged
ndadosaken sapecak impen saged kagayuh.
Nuwun sewu saderengipun menawi kula kuma
wantun utawi lancang. Bilih kempalan cerita cekak
menika sengaja kula tengeri “Thukul Ing Lemah Nela”
awit pancen ing babagan cerita cekak kula ngrumaosi
mboten kados kadang-kadang ingkang sampun pana
sanget. Isi saking kempalan cerita cekak kula menika
emperipun resep dhaharan ngaten pancen kala-kala
keladuk asin, anyep, lan ugi karaos mentah. Tata rakit
kados dene cekeran pitik.
Rumpakan kula menika sejatosipun kawiwitan
kangge cagak melek nalikanipun kathah pakaryan
ingkang dados ayahan kula ing pawiyatan. Sinaosa
mekaten mugi saged dados isen-isening pamanggih lan
mugi saged ngramekaken waosan ing ombyaking
kasusastran Jawi. Ugi ageng ing pangajeng-ajeng kula
wontena sumbang saran saking para kadang sutresna
kasusastran Jawi murih wonten wuwuh kangge kula
ing tembe.
Ingkang pungkasan, mboten kesupen kula
aturaken panuwun dhumateng Pak Naryata
(Lamongan), Pak DH. Abadinar (Muntilan), Pak
Bambang (Yogja), Mbak Nanik (Magetan), Mas Imron

v |