Page 10 - Thukul Ing Lemah Nela

Thukul ing Lemah Nela

Dheweke miyak alang-alang ing mburine. Mbok-
menana Uler Jaran kemulan sarung ing tengahe alang-
alang kaya adat saben yen arep leb sawah. Kabeh
alang-alang wis diwiyaki nanging ora nemokake.
Diceluki bola-bali ya ora ana sauran. Kanciludin bali
lungguh. Gelombang radio diganti. Bareng keprungu
wayang kulit, volume radione rada dibanterake. Yen
nitik critane katone lakon Dewa Ruci.
Rembulan lintang saya padhang nanging wengine
saya tintrim. Atine Kanciludin uga saya tintrim.
Swarane suluk binarung karo kemricike banyu kalen
sing lagi teka. Banyu ibarat nyawane sing keloro,
banyu sing kanggo ngelebi sawahe.
Kanciludin nyawang iline banyu kang mili ing
kalen sandhinge lungguhe Omber, pancen omber kena
kanggo ngelebi sawah pirang-pirang kedhok. Nanging
kepriye maneh, kabeh sing kejatah ancoran blas ora
ngetok. Kamangka kanggo ancoran iki uga tuku ora
ketang brandhon limang ewu tekane sepuluh ewu.
Wengi iki jatah kanggo brandon limang ewu,
dhuwit kucel leh nglempit wis seminggu. Anake
sambat kanggo tuku jajan wae disemayani. Mrebes
mili yen kelingan anake. Pancen wis dadi penggautane
Singa Buntung minangka pamong sing ngurusi banyu.
Nanging arane kadhung, yen ora ana beselan banyu ora
diilekake.
“Blaen tenan! Banyu pas teka trima muspra.
Tanduran kang wis kelaran iki apa pancen arep
dipateni?” kandhane karo kemulan sarung.

Supriyoko | 2