Page 32 - Ветераны
P. 32
БОРИСОВ АЛЕКСАНДР ВАСИЛЬЕВИЧ
Дьоӊӊо-сэргэҕэ кэрэхсэтэр, сытыары-сымнагас майгылаах, уһуну-киэни
толкуйдуур үтүөкэн киһи эбит мин хос эһээм Александр Васильевич.
Кини 1915 сыллаахха Дьабыыл нэһилиэгэр төрөөбүт. 1929-33
сыллардаахха Дьабыыл оскуолатыгар ситиһиилээхтик үөрэнэн бэһис кылааһы
бутэрбит. Онтон ийэлээх аҕата өлөн салгыы үөрэммэтэх, икки балтынаан,
убайынаан тулаайах хаалбыттар.
1936-40 сс «Ааллах Үүӊӊэ» таһаҕас таһыытыгар сылдьыбыт.
1941 сыллаахха хону биригэдьииринэн үлэлээбит.
1941 сыллаахха армияҕа ыӊырыллан, Старай Руссаҕа сэриилэһэ
сылдьан, атагар бааһыран 1942 сыллаахха дойдутугар төннөн кэлбит уонна
кыладыапсыгынан улэлээбит.
1949 сыллаахтан хону биригэдьииринэн үтүө суобастаахтык үлэлээбит.
1962 сыллаахха бочуоттаах сынньаланна барбыт.
Кини «Хорсунун иһин» диэн мэтээллээх.
Сэрииттэн бааһыран, эргиллэн кэлэн баран, сэрии да иннинэ, холхуоһун
хаһаайыстыбатын бөҕөргөтүүгэ мунура үтүөнү онорбут.
Кини кэргэнинээн Пелагея Егоровналыын биэс оҕону төрөтөн-иитэн
улаатыннарбыттар.
Сэриигэ ылбыт бааһырыытыттан 2001 сыллаахха ыалдьан олохтон
туораабыт.
Хос сиэннэрэ Вася 3 «а» кыл., Саша 5 “б” кыл. Ивановтар
