Page 36 - Ветераны

ЖИРКОВА ДАРИЯ ФИЛИППОВНА

Мин хос эбээм Жиркова Дария Филипповна дьиӊнээх төрөөбүт күнэ, сыла
биллибэт. Нуораҕана Арыылааҕар Ефросиния Ивановна , Филипп Васильевич
Борисовтар дьиэ кэргэӊӊэ алтыс оҕонон күн сирин көрбүт. Сэрии ыар
кэмнэригэр араас кыһалҕаны этинэн -хаанынан уйан, сүөһү көрүүтүгэр үлэлээн
ол ыарахан кэмнэри туораабыт. Сэрии кэмигэр Сыымахтар биир дойдулаахтара
-уоллара Фёдор Кузьмич Попов Советскай Союз геройа буолбут аатын
кэриэстээн, бука бары тутуспутунан, өрө көтөҕүллэн , геройдуу кыайыы иһин
тыылга туох баар күүстэрин ууран түүннэри - күннэри үлэҕэ туруммуттар.
«Герой аатын түһэн биэрбэтэхпит »- диэн кэпсиирэ үһү. Сэрии кэмигэр тыылга
учугэйдик улэлээн Аҕа дойдуну көмүскүүр Улуу сэрии 1941-1945сс.
Килбиэннээх үлэтин иһин мэтээлинэн наҕараадаламмыт . Кэргэнэ сэриигэ
баран сурага суох сүппүт. «Үлэһит киһи-толкуйдуур, киитэрэй өйдөөх буолар,
дьону кытта тэӊӊэ сылдьар, хаһан да өлөн-охтон биэрбэт»,-диэн хос эбээм
санаатынан салайтаран олоробут, кини олоҕун салҕыыбыт.

Хос сиэнэ Свинобоева Сандаара
6 “а” кылаас үөрэнээччитэ