Page 41 - Ветераны
P. 41
АНДРЕЕВ КАСЬЯН КАСЬЯНОВИЧ
Мин хос эһэм Андреев Касьян Касьянович 1919 сыллаахха Горнай
оройуонун Малтааӊы нэһилиэгэр күн сирин көрбүтэ. 1942 сыллаахха
23 сааһыгар Аҕа дойду улуу сэриитигэр ыӊырыллан барбыт.
Краснознаменнай Суворов орденнаах Слуцкайдааҕы 1-й отдельнай
противотанковой истребительнэй биригээдэҕэ, Курскайдааҕы Тоҕой
кыргыһыытыгар, 1-й Украинский фроӊӊа сэриилэһэн, Чернигов
куораты босхолоһон Днепри туораабыт. 1944 сыллаахха Белорусскай
фроӊӊа сэриилэспит, итинтэн салгыы Варшава куораты босхолоһон
Кыайыы күнүн Кенигсбергэ көрсүбүт. Сэриини сержант званиелаах,
Албан Аат III-с степеннээх, Аҕа дойду сэриитин I-кы степеннээх
уордьаннардаах, «Хорсунун иһин», «Варшаваны ылыы иһин»,
«Германияны Кыайыы иһин» бойобуой мэтээллэрдээх. 1946
сыллаахха сайын Польшаттан дойдутугар эргиллэн кэлбит. Эһэм
биһиги эйэлээх олохпут иһин турууласпытынан киэн туттабын.
Хаһан да сэрии буолбатын!
Хос сиэнэ Мохначевская Наташа 5 «а» кылаас
үөрэнээччитэ.
