Page 38 - Ветераны

НИКОЛАЕВ АНДРЕЙ ДАНИЛОВИЧ

Мин ийэбинэн хос эһээм Андрей Данилович Николаев Сунтар оройуонугар
Дьаархан боһүөлэгэр 1910 сыллаахха төрөөбут. Биэс бииргэ төрөөбуттэр
ийэлэрэ эрдэ ыалдьан өлөн, аймахтар, ыаллар устун иитиллэн киһи - хара
буолтар. 1943 сыллаахха бэбиэскэ тутан сэриигэ барбыт уонна Иркутскай
уобалаһыгар трудовой фроӊӊа мас кэрдиитигэр сылдьыбыт. Дойдутугар 1946
сыллаахха эргиллэн кэлбит. Эбээбит кини кэлэригэр икки оҕотун кытта
ыанньыксыттыы сылдьыбыт.
Трудовой фронна сылдьан үлэ ыараханыттан ас кэмчититтэн сэриигэ барыан
баҕарар эбит да, стройдатан баран быһа тарыйан илдьэ баралларыттан 6-7
киһиннэн тиийбэккэ хаалан иһэр этим диэн кэпсиирэ. Кыратык да нууччалыы
билбэт этим, дьону батыһа сыльарым диирэ. Ол иһин кинини нууччалыы
билбэтин иһин трудовой фроӊӊа ыыппыттара буолуо. Наҕараадата хас да
кыайыы иһин, ветеран труда мэтээллээх этэ. Колхозка, совхозка сүөһү аһатан,
бостууктаан бултаан-алтаан, оттоон-мастаан күүскэ үлэлээн, кыыстаах уол
оҕолонон, сиэннэрдэнэн кэргэнин кытта 50-ча сыл дьоллоохтук олорон 1980
сыллаахха өлбүтэ.
Биһиги хос эһээбит Андрей Данилович барыга бары мындыр талааннаах этэ
диэн кэпсиир эбээм Анна Андреевна, ол курдук туоһунан тууйас онороро,
маһынан уһанара, олоппос, остуол, мас орон, ыскаап, сундууктары оӊортообут.
Атырдьах, кыраабыл , ат сыарҕата, унтуу бөҕөтүн улларара.
Олус талааннаах, көнө майгылаах, тулуурдаах, кыайыгас, улэһит киһи
олорон ааспыт эбит. Мин хос эһээбинэн киэӊ туттабын.

Хос сиэннэрэ Эрсан 3 б” кыл.,
Айыына 11 “б” кыл. Пахомовтар,
Мичилиинэ 8 “б” кыл., Мадлена 11 “б” кыл. Баишевалар