Page 16 - TEKS GEGURITAN KELAS 11

(2) Dudu Rembulan
Dening: Sumono Sandy Asmoro

Dudu rembulan
Sing sigar kena jemparing
Nalika Permadi dolanan pasopati

Dudu lintang sing ajur
Nalika Palgunadi matek aji
Lebur saketi

Lintang lan rembulan
Tetep mbenteyong
Gandhulan langit

Mung manungsa sing rumangsa bisa
Ngrapal mantra adeg-adeg
keblat papat lima pancer
Ngobral drajat pamer pangkat
Rumangsa dadi lelanange jagad

Dudu rembulan
Sing sigar kena jemparing
Nalika Permadi dolanan pasupati
Mung konang
Kinukup kabar njomplang

Garapan 2 : Maca Endah Geguritan
Maca endah iku sawijining ketrampilan basa kang
nggandhengake unsur basa lan kaendahan utawa
seni. Kegiatan maca endah geguritan diarani kasil lan
apik yen para siswa wis bener lan pener ing bab
basane (lafal, intonasi, andhegan, lan
sapanunggalane) lan becik utawa endah tur
nyengsemake ing bab senine (ekspresi, solah-bawa,
wirama,lan sapanunggalane). Ana sing luwih penting
maneh, maca endah geguritan iku tujuane sing
nyemak, sing ngrungokake dadi ngerti isi, piweling,
lan kaendahaning geguritan sing diwaca.
Gambar 2 Maca ekspresif geguritan
Sumber : pitoyosusanto.blogspot.com Amarga geguritan iku mapan ing alam kabudayan
Sastri Basa /Kelas 11 15