Page 22 - Bahan Ajar Crita Rakyat

Ora adoh saka wit iku ana omahe Ki Wiro, wong tuwa ing desa kono.

Dheweke ngerti, amarga wis bola-bali liwat omah iku, nanging ora tau mandheg

lan ketemu karo Ki Wiro. Wektu iki Joko Bandung kepengin mampir ing omahe

Ki Wiro, amarga saka omahe Ki Wiro Joko Bandung bisa gampang nonton

manuke.

Joko Bandung banjur mampir ing omahe Ki Wiro, dheweke ditampa

dening Ki Wiro lan garwane. Ki Wiro nyawang Joko Bandung saka sirah nganti

sikil. Joko Bandung banjur ngandharake kenangapa dheweke mampir ing

omahe Ki Wiro yaiku kepingin nginep, dheweke kapingin mburu manuk kang

endah banget wernane, lan manuk iku mau mencok ana ing nduwur wit kapuk

kang ana ing ngarep omahe Ki Wiro.

Sorot sore isih sumunar ing pucuking wit kapuk, nanging malah manuke

wis ora obah saka panggonane. Joko Bandung katon tansah ngawasi manuk mau,

ora let suwi lawang omah mbukak saka njero, ana bocah wadon kang nggawa

pasugatan kanggo dheweke. Joko Bandung ora nyana ketemu wong wadon ayu,

ing omahe Ki Wiro. Ki Wiro sing weruh Joko Bandung mesem, malah ngguyu.

Ki Wiro banjur njelasake yen jenenge bocah mau Kunti, anak siji-sijine Ki

Wiro. Raine lan kulite resik banget, beda karo masyarakat desa umume.

Rambute, lakune, cara ngladeni panganan, beda banget.

20 | S M P K E L A S V I I