Page 25 - Bahan Ajar Crita Rakyat

Kabeh wis mangerteni yen Joko Bandung iku mujudake joko sing gagah

lan nggantheng, uga nduweni karisma lan kawibawan. Iku uga bisa dirasakake

dening Kunti. Dene dheweke mung bocah desa sing adoh saka tatanan sosial

kutha, lan urip ing mangsa ngarep sing ora bisa dibayangake sanajan ing uripe.

Kunti sansaya bingung. Dheweke mung bisa nangis ing kamare. Swasana sing

sepi ndadèkaké suwara tangisé keprungu ing kupingé Joko Bandung lan Ki

Wiro. Joko Bandung sansaya bingung lan wedi marang Ki Wiro, nanging Ki Wiro

katon ayem.

Sawijining dina kunti matur menyang Ki Wiro menawa dheweke gelem

dijodohake karo Bandung kanthi syarat Bandung kudu gawe sumur cacahe pitu

kang ora bisa asat sawayah-wayah ing desa iku, supaya masyarakat bisa luwih

gampang anggone ngombe, masak, lan liya-liyane.

Mangerteni syarat kang dijaluk Kunti, Joko Bandung dadi bingung.

Panjaluke Kunti pancen angel diwujudake, nanging amarga rasa tresnane.

Sumber pitu kudu rampung bengi iku. Akhire dheweke nekad nggawe 7 sumber

bengi iku. Ora preduli ing wayah wengi, kanthi nganggo tangane dhewe

dheweke ndhudhuk lemah. Kringet mili dleweran ing awak, nanging ing kono

ora nemokake sumber banyu.

23 | S M P K E L A S V I I