Page 17 - eMODUL B.SUNDA N.RITA

2. Tés Formatif

Soal Pilihan Ganda

Pasanggiri Kawih Murangkalih

Bulan Désémber anu anyar ka liwat, Daséntra, gawé bareng

jeung pémda Kabupatén Subang, ngagelar pasanggiri kawih murangkalih anu
tempatna di aula pémda Kabupatén Subang. Ieu pasanggiri dilaksanakeun dina

raraga ngareuah-reuah acara milangkala Kabupatén Subang anu ka-65.

Lantaran lobana pamilon, ieu pasanggiri dilaksanakeun salila dua

poé, ti tanggal 12 nepi ka tanggal 13 Désémber. Dipidangkeun dina wanda
rampak sekar atawa sok disebut ogé layeutan swara, anu jumlah anggotana

minimal 10 urang.

Acara dibuka langsung ku Bupati Subang. Dina pamapagna, Bupati
Subang nétélakeun kareueusna ka barudak SMP anu geus mahér

ngahaleuangkeun kawih-kawih Sunda. Anjeunna ogé nétélakeun kabingahna,
lantaran ampir sakabéh SMP anu aya di Kabupatén Subang ngirimkeun

wawakilna. Gedé harepan cenah, mun kagiatan samodél kieu tuluy tumuluy
diayakeun, minat barudak kana kasenian Sunda bakal beuki ngaronjat.

(Dicutat tina Buku SMP Kelas 8 kaca 34)

1. Naon jejer atawa téma warta anu judulna “Pasanggiri Kawih Murangkalih”?

A. Pasanggiri husus pikeun murangkalih anu tiasa ngahaleuang anu aya di

Subang

B. Bupati Subang reueus ku ayana pasanggiri kawih, kagiatan samodél kieu

Minat barudak bakal ngaronjat

C. Pasanggiri anu dilaksanakeun dina raraga ngareuah-reuah milangkala

Kabupaten Subang ka-65

D. Pasanggiri dipidangkeun dina wanda rampak sekar atawa layeutan swara

16