Page 13 - eMODUL B.SUNDA N.RITA

Sarengséna hidep neuleuman jenis-jenis warta ayeuna urang pedar padika
nulis warta, naon atuh ari padika téh? Padika téh métodeu nalika urang nyieun

warta. Aya sawatara padika anu kudu diperhatikeun lamun urang nulis warta,
nyaéta:

a) Dina nyieun lead, gunakeun basa anu matak narik panitén jalma séjén.

Nulis warta téh usahakeun sing kawas anu keur cacarita sacara
langsung (ngobrol)

b) Nyieun lead ulah panjang teuing, paling réa 30 kecap, atawa kira tilu
jajar ketikan.

c) Pisahkeun lead anu sakirana hésé dipikahartina jadi dua atawa tilu

kalimah.
d) Gunakeun kalimah parondok. Lamun kalimahna paranjang teuing,

kadang-kadang matak bingung anu maca, nepi ka teu bisa maham eusi
warta.

e) Kecap-kecap anu digunakeun ogé kudu anu basajan. Usahakeun
tulisan téh sing genaheun dibacana tur gampang kahartina. Ulah réa

teuing ngagunakeunistilah-istilah asing anu sakirana matak teu

dipikaharti ku nu maca.
f) Usahakeun make kecap-kecap pagawéan anu aktif, anu

ngagambarkeun tindakan atawa gerakan.
g) Lian ti kalimahna anu parondok, alinéana ogé ulah paranjang teuing.

Lamun alinéna paranjang, kalan-kalan anu maca boga sangkaan yén

éta tulisan téh hésé dibacana.
h) Nulis warta téh kudu kawas ngalukis. Hartina naon anu ditulis ku

urang kudu mampuh ngahudang imajinasi anu maca.

(Dicutat tina Buku paket Simpay Basa Sunda Pikeun murid SMP/MTs kelas

VII kaca 18-19)

12