Page 11 - ARUBA BANK MAY 5

RBC Royal Bank y The Pancake Gallery
Foundation ta lanza Art Rules Aruba 2015

• May 4th, 2015
• Local

Dialuna 4 di Mei a tuma lugar un conferencia di prensa na unda The Pancake Gallery Foundation y RBC
Royal Bank como sponsor principal a lanza Art Rules Aruba 2015.
Sr. Pierre Rafini, Market Head – Business Banking, Dutch Caribbean and Suriname / Country Manager,
Aruba a hiba palabra unda el a bisa cu RBC ta hopi orguyoso di forma parti di e programa aki pa ya di 5
aña consecutivo. RBC ta un banco cu ta aporta na proyectonan cu ta enfoca riba arte, educacion y
desaroyo di e hubentud. E programa aki ta ofrece e hoben e oportunidad pa sigui desaroya su talento y
asina tambe ta participa den algo sano durante zomervakantie. Sr. Rafini a felicita e organizacion pa nan
entusiasmo y e deseanan hopi exito pa Art Rules Aruba 2015.
Mirando cu esaki ta e di cinco aña di Art Rules Aruba, e organizacion a dicidi pa haci algun cambio pa
asina e programa keda ‘fresh’ y tambe inovativo. Srta. Ayra Kip di The Pancake Gallery Foundation a
splica e detayenan di participacion y e programa. E aña aki lo tin 9 workshops: Theater, Dance, Arts &
Design, Photography, Film, Street Art, Fashion, Poetry & Spoken Word, Music & Performance y DJ. E
aña aki lo tin e bonus workshop Culinary Arts cu lo wordo duna pa Sr. Urvin Croes, Chef di e restaurant
White y Sra. Heather Smith di Baltimore.
Tur hoben entre 13 y 23 aña di edad ta invita pa participa den e tremendo programa aki cu lo tuma lugar
di dia 15 di Juli te cu 27 di Juli.
E aña aki e programa y tambe e final showcase ta bay tuma lugar na San Nicolas. E final showcase lo
tuma lugar dia diasabra 27 di Juli.
Pa mas informacion tocante e programa, participacion, e docente, e disciplina, fechanan importante y
mucho mas por bishita www.artrulesaruba.com.

http://masnoticia.com/rbc-royal-bank-y-the-pancake-gallery-foundation-ta-lanza-art-rules-aruba-2015/