Page 16 - ARUBA BANK MAY 5

YES Aruba cu otro evento sumamente existoso
Tuesday, 05 May 2015 13:23
Comparti

Recientemente YES Aruba (Young Entrepreneurs Stichting) tawatin nan evento ‘Hardcore Sales Seminar’.
Durante e evento aki, YES Aruba a presenta dos discurso cu informacion valioso pa e comunidad di
comerciantenan nobo y hoben.
Mr. Pierre Rafini, Country Manager di RBC Royal Bank (Aruba) N.V. a duna un tremendo presentacion
tocante ‘The science of cold calls’. E otro orador tawata Mr. Dave Martinus di Action Coach cu a splica con
pa ‘Close the deal’.
Segun Kawish Misier, miembro di directiva di YES Aruba a bisa: “Mi ta hopi contento cu e resultado di e
evento. E publico tawata tremendo, e orador nan tawata hopi informativo y mane tur otro evento di YES
Aruba e discussion cu ta tuma lugar despues di e presentacion nan tawata uno hopi colaborativo. E
manera aki ta un di e manera nan mas facil y eficiente pa educa entrepreneurs nan nobo di Aruba. Keda
pendiente pa nos proximo evento”.
Ramsis Arends, otro miembro di directiva di YES Aruba tambe a bisa: “E evento aki a wordo ‘sold out’ den
24 ora. Ora nos a mira e interes di e entrepreneurs, nos a hasi nos best pa engrandece e lugar y asina habri
registracion atrobe. Den menos cu 24 ora nos a bolbe ‘sold out’. Na final nos por a ricibi mas cu 80 hende
danki na The Office Aruba pa tawata un host perfecto y Elite Productions & Entertainment cu a yuda nos
cu e equipo”.
Miembro nan di YES Aruba ta pidi pa like nan page riba Facebook (YES Aruba) pa asina keda na altura di
nan evento nan.

http://www.24ora.com/local-mainmenu-5/94804-yes-aruba-cu-otro-evento-sumamente-existoso