Page 36 - sja feb 10

AWEMainta Diaranson, 10 Februari 2016 13

Museo Arkeologico den colaboracion cu Fundacion CineAruba

‘Rooftop Cinema’ ta wordo organisa
den e ambiente di Amor y Amistad

EN conexion cu Dia di San Valentin, Museo Arkeologico

Aruba y Fundacion CineAruba ta organisa e evento di
nan prome ‘Rooftop Cinema’ riba e terasa rib’e dak di
salanan di exposicion di Museo Arkeologico.

Diasabra dia 13 di februari, cuminsando pa 7’or di ano-
chi, lo presenta e pelicula romantico, musical y local
“Abo So”. Bishitantenan por pasa e anochi aki dor di
nos salanan di exposicion, cu den anochi alabes ta un
experiencia unico, subi riba e ‘dakterras’ y disfruta di un
anochi di pelicula den aire libre.
Siguientemente lo tin un ‘Meet & Greet’ cu parti di e cast
di e pelicula aki na unda hasta lo ‘perform’ algun cantica
di e pelicula “Abo So” live pa publico presente.

E musical romantico “Abo So” ta un produccion local di
Juan Francisco Pardo cu artistanan local. Asina Museo
Arkeologico ta desea di treat su bishitantenan riba un
anochi ameno den esfera di amor y amistad iniciando
Dia di Valentin riba e anochi prome y den un setting
hopi diferente.

E concepto di ‘Rooftop Cinema’ ta algo cu ta birando
hopi popular den Europa, en especial na London.
Fundacion CineAruba ta desea di trece e concepto
aki pa Aruba y e anochi na Museo aki lo splica esnan
interesa tocante un ‘Rooftop Cinema membership’ cual
Fundacion CineAruba ta desea di introduci. Esaki lo ta
algo innovativo pa esnan cu ta gusta pasa un anochi
ameno di pelicula.

Salanan di exposicion lo ta habri cuminsando pa 7’or
di anochi, pues si nunca bo tabatin oportunidad pa
bishita Museo den dia, ata aki bo chens pa tambe dis-
fruta di e exposicion innovativo y interactivo di Museo
Arkeologico.
Museo ta ofrece e anochi aki tambe un ‘Valentine’s
Quiz’ na unda bishitantenan por busca e conexion
entre artefactonan arkeologico, y Amor y Amistad.
No perde e oportunidad unico aki pa pasa un anochi
hopi diferente y romantico pa ‘Valentine’s Day’. Anot’e
den bo agenda!

Diasabra anochi dia 13 di februari proximo: ‘Rooftop
Cinema’ na Museo Arkeologico. E anochi y pelicula ta
apto pa personanan riba edad di 13 aña. Nos ta situa
na Schelpstraat 42, net patras di Supermercado Kong
Hing den Havenstraat.

Pa mas informacion tocante actividadnan pa publico
di Museo Arkeologico, like nos pagina di Facebook:
Archeo Aruba.