Page 40 - sja feb 10

8 AWEMainta Diaranson, 10 Februari 2016

Minister Paul Croes ta felicita tur hoben cu a aporta PA HABRI siman y cu temporada y fin di siman grandi
na Carnaval 62
Carnaval tras di lomba, Minister di Asuntonan Social,
“Nos ta keda comprometi pa Hubentud y Labor, Paul Croes ta comparti su reflexion
traha na fabor di esnan cu y tambe compromiso, pa cada bes e nomber y imagen
mester di un guia y sosten pa di e hobennan na Aruba ta mas positivo y prometedor.
haya e bon caminda”
E mandatario ta consciente cu tin caminda pa cana cu
hobennan cu ainda ta motibo di preocupacion, pero na
mesun momento kier duna elogio y realce na esnan cu
sa di disfruta di bida di un manera, cargando e tradicion
di Carnaval den nos cultura.

E noticianan di incidente y detencion caminda
hobennan menor di edad ta envolvi mester sin duda
algun di nos atencion. Pero na luga di genera solamente
critica como reaccion, tambe mester pone nos cera
cabes y uni esfuerso pa bin cu solucion. Esaki ta e
pensamento di e Minister y e motibo pakico e ta kere
y traha fuertemente riba iniciativanan cu ta dirigi e
hobennan di Aruba den un direccion cu proposito y
bienestar.

“Aunke hobennan tin biaha den temporada di Carnaval
ta den un luz menos positivo pa sea problemanan
husticial of social, ta hustamente cu esaki den mente
nos Ministerio ta traha pa yuda cu e situacion, guia
hobennan den un miho caminda. Ta p’esey a crea
diferente proyecto pa atende cu nos hobennan pa no
yega na e punto aki”, asina Minister Croes a señala.

Como un carnavalista fiel su mes, Minister Croes por a
ripara cu su mes un wowo, cu den Carnaval 62 tabatin
atrobe un cantidad di hoben cu tabata ehempel di
ciudadania. Ta papia no solamente di e cantidad grandi
di hoben cu a participa activamente den e diferente
celebracionnan di Carnaval manera eleccion di Reina,
competencianan di musica y tambe gruponan.
Tambe mester menciona tur esnan cu ta tras di cortina
y tambe merece un danki pa nan aporte balioso. Di
biaha ta pensa riba Cruz Cora y su boluntarionan,
fundacionnan pa esnan cu limitacion fisico of mental
y tambe tur e scolnan cu tabata activo durante ultimo
seis siman y tambe mas cu esey.

“Hubentud ta un enfoke primordial di e Ministerio y
como cu nos tin hobennan cu por haci un diferencia
grandi den futuro, nos ta traha duro riba diferente
aspecto y lo sigui haci asina cu hopi animo”, e Minister
a finalisa bisando.

#1 Online