Page 26 - MIN.VOS 3 OCT,2015

AWEMainta Diasabra, 03 October 2015
Preparando mas trainer den futbol
AVB hunto cu KNVB a brinda
curso di “Trainers Coach”
Duna pa coachnan profesional Piet de Jong y Stanley Menzo
BO ta siña hunga futbol dor di practica y si-
ñando di diferente angulo den e disciplina di
deporte. Na Aruba tin mas cu suficiente bolun-
tario bezig via club, via scol y e asociacion di 6 biaha den e seleccion nacional di Hulanda.
futbol. Pa yuda e boluntarionan desaroya nan
mes mihor, Arubaanse Voetbal Bond (AVB)
a cuminsa na fin di aña 2014 cu un curso di
“trainer-coach”.
E curso aki ta facilita dor di “KNVB Academie”
danki n’e lasonan existente entre AVB y KNVB,
cu t’e asociacion di futbol di Hulanda.
Piet de Jong ta duna e curso aki, kende den e
ultimo periodo a traha cu ex keeper y trainer
profesional, esta Stanley Menzo. Menzo a par-
ticipa den su carera den mas cu 350 wega di
futbol riba e nivel mas halto y tambe a participa Organisa entrenamentonan p’e diferente gru-
Piet de Jong a studia na ALO na Tilburg y desde
1989 a cuminsa cu su prome cursonan di futbol
na KNVB.
Desde 1972 pa 2011 el a sirbi como “head
coach” di diferente ekipo di junioren y senioren
te cu e nivel mas halto di amateur na Hulanda.
Desde aña 2001 e ta “National and interna-
19
tional UEFA level B instructor” y na aña 2014
el a bira “International UEFA level A instructor”
di KNVB. Na nivel nacional e ta docente di e
cursonan di TCIII y TCI.
Na luna di october di 2014 a cuminsa acerca e
clubnan di futbol di Aruba via un peticion, pa
dal e prome paso pa un curso “trainer-coach
III” (TC III). Na final di e prome trayecto a se-
lecta diferente studiantenan pa e curso TC III,
di cual e prome fase a cuminsa na fin di februari
2015. Entrenamento di hobennan bou di 6 aña
tabata e enfasis di e prome fase aki. Y na luna
di mei a ripiti e fase aki.
E siguiente fase a cuminsa na mei, den e fase
aki nan a concentra pa organisa entrenamento
p’e hobennan di 16 pa 19 aña.
Den e siguiente periodo e studiantenan a haya
diferente tarea pa amplia nan conocemento
den futbol cu mester a wordo entrega via
email.
E ultimo fase a cuminsa n’e tercer rond di “FIFA
World Cup Qualifiers” riba 15 di september.
E ultimo fase aki tabatin 3 aspecto principal:
ponan, “coaching skills” y habilidad analitico.
E trainingnan aki tabata pa siña e hobennan
con pa hunga hunto, traha riba nan desaroyo
individual y tambe pa yuda e hobennan cu nan
condicion.
E participantenan a haya prueba di seccion di
training, di reglanan di wega y di teoria. Tur
participante a haci nan examen final den e
periodo di 15-30 september. Tur a logra pasa
e examen practico y e examen di e reglanan di
wega cu exito.
Den e siguiente dianan nan lo mester traha
un programa di 12 simannan so y organis’e
exitosamente den practica, prome cu nan ricibi
nan diploma na januari 2016.
N’e momento aki AVB ta conta cu trainernan
cu diploma na nivel di TC III, TC II y TC I, di
cual TC I t’e nivel di mas halto.
Adicionalmente a organisa un tayer di “Keep-
ers Clinic”, facilita dor di Stanley Menzo. E
“workshop” tabata pa brinda e participantenan
n’e curso y e keepernan cu nan a scoge, un poco
mas “keepers training skills” cu sin duda a cay
den masha bon tera serca tur e cursistanan.