Page 29 - MIN.VOS 3 OCT,2015

22 AWEMainta Diasabra, 03 October 2015

Hoben tri-atleta
Giannon Eights lo
competi den dos Kids
Triathlon na Florida

E hoben Tri-atleta prometedor, Giannon Eights, lo tin dos compromiso serio den e
simannan binidero den exterior.
E hoben Eights lo ta biahando pa Merca unda e lo competi den dos evento di
Kids Traithlon International tanto na Gainesville como tambe North Miami
ambos den e estado di Florida.
E prome competencia lo tuma luga diadomingo dia 4 di october na
Gainesville y lo ta den e asina yama Youth Combine Fall Triathlon cu lo
tuma luga na Westpark.
Su siguiente siman dia 11 di october, e hoben Giannon Eights lo competi

den e North Miami Kids Triathlon, esaki den categoria 13-15 aña.

E careda lo ta uno oficial mirando cu e lo ser auspicia p’e federacion Mericano di triatlon,
USAT. Pa loke t’e trayectorio y recorido di e careda, e hoben Eights tin cu landa 200 yarda,
despues core riba bicicleta un distancia di 3.7 miya y por ultimo core na pia rib’un dis-
tancia di 1.5 miya. Mester bisa cu na Aruba nos atletanan di triatlon, ya for di un edad

relativamente jong, ta cuminsa na practica e deporte aki. Cada luna tin competencia
cu ta wordo organisa p’e federacion di triatlon Arubano, ATA, esaki sigur ta duna un
boost n’e deporte y su atletanan.
Es mas nos atletanan di triatlon ta cosecha exito den eventonan di Kids Triathlon
bishita den exterior.
E aña aki Aruba a logra triunfa cu mayoria premio den e Ennia Kids Triathlon organisa
na Corsou, mey mey di 400 participante nos atletanan a gana tur e prome luganan den
e diferente categorianan disponibel.