Page 49 - MIN.VOS 3 OCT,2015
P. 49
AWEMainta Diasabra, 03 October 2015 53
Rapport Mundial 2015
Impacto Global di Trastorno Neurocognitivo di
Tipo Alzheimer
Analysis di prevalencia, incidencia, gasto & trend
Informacion basico
E Rapport Mundial 2015 recien di Alzheimer Disease International (ADI)) tocante Trastornonan
Neurocognitivo di e Tipo Alzheimer (mayor y leve) ta actualisa cifranan estima di prevalencia,
incidencia y costo di e Trastornonan Neurocognitivo aki na nivel mundial. Actualmente, mundo ta
consisti di mas o menos 900 miyon persona di 60 aña y mas. Ta ser proyecta cu entre 2015 y 2050 e
cantidad di adultonan di edadnan halto lo aumenta cu 56% den paisnan cu entrada halto compara cu
138% den paisnan cu entrada mediano halto, 138% den paisnan cu entrada mediano abao y 239%
den paisnan cu entrada abao.
Un aumento den espectativa di bida ta contribui na subida rapido di e cifranan y ta wordo asocia cu
un aumento di e frecuencia di malesanan cronico manera Trastornonan Neurocognitivo di e tipo
Alzheimer.
Prevalencia Mundial:Trastornonan Neurocognitivo di Tipo Alzheimer. Fuente: Alzheimer Disease International 2015
Actualmente ta ser calcula cu tin 46.8 miyon hende na mundo ta bibando cu un Trastornonan
neurocognitivo di e tipo Alzheimer. Ta proyecta cu e cifra aki lo duplica cada 20 aña, alcansando
asina 74.7 miyon na 2030 y 131.5 miyon na aña 2050.
E cifranan calcula recientemente ta indica un aumento di 12% -13% mas cu e cifranan raporta na
2009 den e rapport mundial di ADI. Calculacion di e cantidad di e personanan di 60 aña pariba cu
Trastornonan Neurocognitivo di e tipo Alzheimer ta varia di 4.6% na Europa Central te na 8.7% na
Norte di Africa y Medio Oriente, mientras e percentahe den tur otro region ta entre 5.6% y 7.6%.
E estimacion di e prevalencia di e Trastornonan aki ta mas halto den Este di Asia y Africa compara
cu e cifranan raporta den e rapport di 2009.
Alrededor di 58% di hende cu Trastornonan Neurocognitivo di tipo Alzheimer ta biba den paisnan
clasifica pa Banco Mundial como paisnan di ingresonan bou y mediano. E proporcion den e paisnan
ey lo aumenta di 63% na 2030 te 68% na 2050.
