Page 16 - AM210213

16
Artista di Aruba, Gilbert Senchi
cosechando reconocimiento internacional
AWEMainta Diasabra, 13 Februari 2021
CUMINSANDO aña nobo nos artista prominente di Aruba,
Gilbert Senchi a wordo aserca via su studio na Manchester
pa presenta un propuesta pa un monumento publico
emblematico cu lo wordo instala y exhibit permanentemente
na Engeland.
Tambe na february 2021 e lo ta inaugurando un presencia
oficial na Dubai di su arte publico via un
representacion Britanico. Ya caba na 2019 el a wordo aserca
pa traha un arte conmemorativo pa Rolls Royce retired
engineer nuclear submarine division.
Recientemente na maart di 2020 el a firma contract cu
Universidad Militar di Colombia pa un obra monumental
pa nan campus nobo na Bogota. Su trayectoria internacional
ta sigi creciendo ya cu aña pasa el a ehecuta y entrega un
monumento pa isla di Bonaire na homenahe di sr. Tavio Sint
Jago.
Den pasado el a traha y haci presentacionan na Italia cu
Museo di Arte Moderno di Bologna, unda el a biba y train
un tempo, na Berlin el a habri su studio y traha n’e famoso
SculptureBerlin Studios, na Amsterdam el a wordo invita
den e 500 aña bieu, “Arti et Amicitea” art society, na London
el a bira
miembro di e prestigioso Campden Art Centre y a habri un
studio na Manchester.
Na Merca su obranan ta den colecionan priva na Chicago,
Ohio, New York, New Jersey, Miami, Boston, Pennsylvania,
Delaware, Atlanta y Orlando entre otro. El a traha obranan
pa Rey Albert di Monaco, Rey Willem Alexander, Princes
Beatrix y otro miembronan di Cas Real. Fundacion pa Arte
Publico ARTopia tambe ta informa cu na Aruba e tin obranan
na museo y tambe rond di nos isla y ta autor di e AHATA
Excellence Award durante ultimo añanan.
Pa su isla den presente, e ta finalizando entre otro un obra
publico monumental cu sigur lo haci su impacto positivo
pa Aruba. Un artista international, orguyo di San Nicolas,
Aruba. Directiva di ARTopia Aruba: Mirla Passchier, Eduard
Ellis. Artista Gilbert Senchi.