Page 31 - ATA UPDATE

Regularmente of cierto temporadanan, e stroom mes ta trece sushedad aden. Ta percura

pa esaki ta limpi pasobra tin hopi bishitante internacional, pero pa nos localnan tambe. Ta

un area protehi y tin cu tene cuenta cu flora y fauna. Cualkier sushedad cu ta keda por

wordo comi pa bestia y por haci daño na flora y fauna. Tin cu tene consideracion pa esaki

y sigur no ta un bunita bista pa nos bishitantenan.

AREANAN

Na e momentonan aki tur area ta wordo bishita door di nos bishitantenan. No tur por

wordo yega cu un vehiculo. Mayoria ta wordo bishita na pia. Esaki tambe ta areanan cu ta

bishita regularmente door di haci roughwalks, cual ta wordo organisa un biaha pa luna.

Mayoria biaha ta na pia ta yega na e areanan aki. Den Parke tin dos cueba actualmente

cual ta cera. Esakinan ta por medio di proteccion pa e raton di anochi. Esakinan ta e unico

areanan cu ta practicamente cera pa bishitante.

ENTRADA

Ta wordo subsidia parcialmente door di Gobierno di Aruba y tambe tin e concervation

fee cual bishitantenan ta paga. Esaki ta conta pa local, pa turista y pa e tour operatornan.
Pa nos localnan ta 5 florin pa persona. Muchanan bao di 17 aña ta completamente gratis.

Ta aprecia cu famianan ta bishita, pasobra e muchanan por cuminsa di chikito caba cu un
aprecio pa naturalesa y conservacion di esaki. Pa turista e ta $11 pa persona.