Page 34 - ATA UPDATE
P. 34
E mandatario encarga cu Turismo ta manda palabranan di felicitacion na ATA cu
nan tremendo trabou pa por a haya e vuelonan directo aki cu ta contribui na
expansion di nos mercado turistico. Cu hopi satisfaccion Minister Dangui Oduber
ta yama bon bini na Delta Airlines y Sun Country Airlines pa cu nan vuelonan
inaugural directamente for di Minneapolis/St. Paul. E vuelonan di ambos
aerolinea lo ta semanal, saliendo ariba tur diasabra pa asina duna oportunidad
na e pasaheronan di e parti “Midwest” di Merca pa bishita Aruba y pa asina
Aruba sigui expande su mercado turistico den e region ya menciona di Merca.
Den 2016 alrededor di 3 miyon pasahero a bishita nos isla, di cual 53% ta
consisti di pasaheronan for di Merca. E meta di Minister Dangui Oduber ta pa
Aruba sigi conoce un crecemento continuo di bishitantenan for di diferente
region den futuro.
