Page 1 - AWEMAINTA
P. 1
October 28, 2019
www.awemainta.com
www.facebook.com/awemainta
noticia@awemainta.com
583-1400
HACIENDO FEVER, A DAL AUTO Y CORE BAY
DIADOMINGO mainta tempran, colega di
Team Prensa Aruba a capta un imagen exclusivo
momento cu dilanti Molen un auto Nissan Sylvia
tabata haciendo fever.
Esaki tabata den careda di 5’or di madruga, cu
chauffeur di e auto aki tabata draai, kima tire
preparando pa pone “drama”, pero no tabata sa
kico tabata spera su persona.
Na prome instante el a sali y cuminsa haci loke
e tabatin planea o sea drift y duna esnan rond su
show prome cu e bay cas. Aki ta unda e auto no a
coopera cune.
Un Kia Sportage cu no tin nada di haber y tabata
wardando e Nissan Sylvia haci su show ta ser
sorprendi momento cu e Nissan Sylvia numera
A-47604 ta perde control y dal su auto.
E chauffeur iresponsabel di e Nissan Sylvia no a
para pa pidi disculpa y regla cos manera ley ta
stipula, pero a dicidi di move bay di e sitio cu
velocidad halto. Chauffeur di e Kia Sportage a
trata na bay su tras, pero sin ningun resultado.
Pa loke ta doño di e Nissan Sylva ta bon p’e tuma
contacto cu e doño di e Kia Sportage y regla cosnan
manera ley ta stipula, pasobra si el a pasa cu nan
a hit and run su auto e lo no a gusta tampoco. Of
e tin cu warde te ora cu Polis pone man riba dje.
