Page 14 - AWEMAINTA
P. 14
14 AWEMainta Dialuna, 28 october 2019
Control pisa di polis diasabra anochi manece diadomingo
DIASABRA den oranan di anochi, Cuerpo Policial di
Aruba a cuminsa cu un control di trafico, tabata trata di
un control severo, na diferente puntonan strategico, entre
otro dilanti Aruba Ports Authority y Misa di Tanki Leen-
dert. E controlnan no tabata solamente riba documenton-
an di auto, pero nan tabata busca pa droga y arma tambe.
Den e area di Hotzone na Palm Beach, polisnan a tene un
accion di ristamento preventivo.
Nos a bin ta compronde cu varios boet a wordo reparti pa
entre otro, coremento di auto sin rijbewijs, seguro di auto
cu no tabata na ordo, number di auto cu no ta full paga.
Tambe tabata tin algun detencion cu a cay durante e con-
trolnan aki. Cuerpo Especial Arubano a duna Cuerpo Poli-
cial un cooperacion pa transporta e personanan cu tabata
wordo deteni durante e controlnan aki, pa warda di polis.
Te na e momentonan aki no ta conoci cuanto boet y ni de-
tencion a cay, tampoco no ta conoci e motibonan di e boet-
nan y detencionnan, pero segun nos a compronde cu tabata
trata di un accion exitoso di parti Cuerpo Policial di Aruba.
