Page 17 - AWEMAINTA

Dialuna, 28 october 2019
Dama bou influencia di alcohol of
otro substancia, y a keda deteni
AWEMainta 17
DIABIERNA den oranan di anochi presen-
cia di Polis a wordo pidi cu hopi urgencia na
altura di Citgo Tanki Leendert, pa motibo cu
tin un dama eybanda cu tabata basta bou in-
fluencia di alcohol y of droga. E dama tabata
no solamente causando molester, pero tambe e
tabata forma peliger riba caya pa su mes y pa
otro.
Na yegada e agentenan policial a bin topa cu
e dama aki y mesora a ripara cu enberdad e
dama ta basta bou influencia y no ta descarta
cu e por ta bou influencia di otro substancia
tambe.
N’e sitio nan a bin compronde cu e dama aki
tabata den un auto cu mas hende y pa motibo
cu e tabata haci hopi fastioso, e personanan
den e auto a dicidi di bahe cant’i caminda na
Tanki Leendert.
E decision di baha e dama cant’i caminda sigur
no tabata uno responsabel, mirando den ki es-
tado e dama tabata, e miho opcion lo tabata pa
hib’e su cas of bah’e na un Warda di Polis.
Polisnan n’e sitio mesora a dicidi di detene e
dama y a pidi pa un transportwagen, esaki no
a cay den bon tera cerca e dama bou influen-
cia, pero e agentenan no por a laga e dama den
estado cu e tabata riba caya, e lo por haci daño
na su curpa y sigur por forma peliger riba caya
pa su mes y pa otro tambe.
Transportwagen di Polis a bin busca e dama,
esaki a haci e dama bira mas razo ainda. E
dama a cuminsa expresa su mes no mucho
bunita y tabata grita e agentenan policial “F...
...”.
Na Warda di Polis e dama a haya un kamber
gratis pa sosega te ora e bin bij. Den e cel na
Warda di Polis e ta mas sigur y ora e bin na
tino bek, e lo gradici e agentenan policial pa a
tuma e desicion aki.