Page 47 - MIN SJA 22 OCT 2015
P. 47
A bira tempo pa haci un estudio y update e bestands
minimum
Publication: Thursday, 22 October 2015. Categoria: General
Lider di PDR mr. Andin Bikker:
ORANJESTAD (AAN) – “A bira tempo pa
haci un estudio nobo pa loke ta trata e bestands minimum”, mr. Andin Bikker, lider di fraccion di
Partido Democracia Real a subraya den conferencia di prensa.
El splica kico bestands minimum ta nifica. Esaki ta e entrada minimo cu un famia forma pa, por
ehemplo, un persona cu un yiu of un famia (tata y mama cu dos yiu), mester pa sobrevivi.
El a agrega cu no mucho tempo pasa tabata tin un estudio riba esaki efectua pa CBS, cu tabata di
tempo prome cu e parkeer geld a bin na vigor, of cu nan a cuminza cobra pa recoge sushi di cas.
E parlamentario a menciona cu na Aruba e cantidad di persona cu ta forma famia cu un yiu ta
hopi, pasobra e indice di divorcio den nos pais, ta halto.
“E mester di laba, laba segun mi, casi 2500 florin pa luna pa e por sobrevivi. Awor, e minimum
loon ta bruto 1.700 florin. Kiermen bo ta haya menos cu esey na man. Pero eynan caba tin un gap
grandi, pa un mayor cu tin un yiu ta bayendo scol pa e por paga tur su necesidadnan y biba den e
economia aki”, mr. Bikker a remarca.
E persona aki si ta traha na Caya Grandi y si doño di trabao no ta paga e parkeer meter pe, e tin
cu ranca 60 florin extra cu gobierno a impone riba dje. Fuera di esey nan a cuminza cobre pa
lanta sushi na su cas, un otro suma di 27 florin, y fuera di esey e ta premira cu pa core bay su
trabao nan ta bay aumenta su accijns di gasoline.
“Mas cu cuarenta porciento di nos poblacion ta biba den situacion bao di e bestands minimum y
esaki ta un preocupacion hopi grandi cu nos tin. Nos a presenta proyecto di ley pa esnan cu ta
cay den un spiral di debe, cu ni cu nan biba y traha te 80 aña mes nan no ta caba di sali for di e
spiral di debe aki, te cu delaster dia cu Dios duna nan bida”, mr. Bikker a remarca.
Pesey PDR a presenta su proyecto di ley pa “Saneamento di debe personal” pa nan haya un di
dos oportunidad. “Pero si gobierno di su banda ta keda, di robes pa drechi, imponiendo
