Page 48 - MIN SJA 22 OCT 2015

medidanan riba e clase trahador cu ta gana menos cu e bestands minimum, nan ta keda margina y
ta importante pa mas pronto posible, y sigui constantemente, update e estudio di bestand minimo
aki, pasobra e ta un instrument cu bo por bini cu otro leynan y tambe wak te unda bo por yuda e
grupo aki”, mr. Bikker a expresa.

E ta haya cu ta ironico cu gobierno a introduci e reparatie toeslag y cu a reconoce den e memorie
van toelichting cu tin un grupo hopi grandi di hende cu ta bibando den un situacion hopi fastioso,
y pesey gobierno a dicidi di duna nan un empuhe mensualmente, pero diripiente gobierno a bin
cu e medidanan cu tiki tiki ta afecta e poder di compra di e ciudadano, sin lubida cu e BAZV
tambe a aumenta pa 2 por ciento den un aña, adicional na e 1.5% caba.

“Un bez cu e costo di ‘doing business’ subi pa e comerciante, pasobra tur esaki ta bay den e
costo di producto y servicio cu comercio duna na pueblo, pues automaticamente e costo di bida
ta subi” e lider di PDR a reitera.

Tocante un pregunta di prensa, parlamentario Bikker a expresa lo siguiente: “Laga nos bruha e
bestands minimum cu salario minimo. Cu e bestands minimum a wordo determina na 2010 caba
cu e salario minimo ta hopi abao. Pero e bestands minimum no necesariamente mester indica cu
tin cu aumenta e salario minimo. Por evalue pero e tin otro trayecto cu por ta inflativo. Loke
mester tene cuenta cune, cu gobierno cu ta imponiendo medidanan riba pueblo, mester tene
cuenta cu e ta marginando e personanan cu ta bibando bao di bestands minimum” mr. Bikker a
remarca, reiterando tocante e pago di parkeer, pagamento pa pikimento di sushi na cas y aumento
di accijns di gasoline door di pueblo.

http://www.diario.aw/2015/10/a-bira-tempo-pa-haci-un-estudio-y-update-e-bestands-minimum/